‘Tou Haga Tuputupu ʼi Te ʼAtamai Mālama Totonu’

Ko te ʼatamai mālama totonu ʼo ʼuhiga mo te ʼAtua, ʼe ina taki tatou ki te maʼuli heʼegata. (Soane 17:⁠3) ʼE tonu ke tou fai ia meʼa fuli ʼaē ʼe feala ke tou fai, moʼo fakatuputupu ʼo tatatou ʼatamai mālama totonu ʼo ʼuhiga mo Sehova. (Kol. 1:​9, 10) ʼO kamata ʼi te ʼaho 29 ʼo ʼApelili, ʼe tou ako anai te tohi Te ʼAtamai Mālama ʼAē ʼe Ina Taki Ki Te Maʼuli Heʼegata ʼi te ʼu Ako Tohi ʼo Te Kokelekasio. ʼE mole gata ʼaki pe anai tatatou tuputupu ʼi te mahino ki te Folafola ʼa te ʼAtua, kae ʼe tou toe maʼu anai foki mo te ʼu meʼa fuli ʼaē ʼe ʼaoga moʼo akoʼi ʼo ʼihi. ʼE tapuakina anai koutou pea mo tokotou famili, mo kapau ʼe koutou teuteu fakatomuʼa, mo koutou ʼolo ki te ʼu fono, pea mo koutou kau kiai ʼi te vāhaʼa fuli, pea mo koutou fakaʼaogaʼi ʼi te minisitelio te meʼa ʼaē neʼe koutou akoʼi.