Logo Faka Teokalatike

◼ Arménie: ʼE fakahā mai e te tānaki ʼaē neʼe fai ʼi Tesepeli, ko te kau fai faka mafola e toko 4 741, neʼe nātou tahi fai ia hola e 16 ʼi te minisitelio. Ko te tuputupu foʼou ʼaia ʼa te kau fai faka mafola, ʼe ko te 17 ʼi te teau, mokā fakatatau mo te tānaki ʼo te taʼu ʼaenī kua ʼosi.

◼ Chili: Neʼe tali fakafiafia e te ʼu kokelekasio te ʼu hola foʼou ʼaē ʼe fakamaʼua ki te kau pionie, heʼe ʼi Sanualio neʼe ʼi ai te tuputupu makehe ʼo te kau pionie vaeluaʼi temi, ʼo lau ko te toko 4 351. Tahi ʼaē meʼa, ko te meʼa ʼaē neʼe lelei ʼaupito ʼi te taʼu gāue ʼaenī, he ko te toko 5 175 neʼe nātou pionie vaeluaʼi temi.

◼ Ukraine: ʼI te toko 100 129 kau fai faka mafola ʼo Sanualio, ko te toko 12 ʼi te teau neʼe nātou kau ki te minisitelio temi katoa. Neʼe maʼu te ʼu pionie katoa e toko 5 516​—ko te 27 tuputupu ʼaia​—pea ko te toko 6 468 kau fai faka mafola neʼe nātou pionie vaeluaʼi temi.