He Koʼe ʼe Tou ʼOfa Ki Te Famili Katoa ʼo Te ʼu Tēhina

Ia ʼaho nei, ʼi he mālama ʼe mole kei maʼu ai te ʼofa, koteā ʼaē ʼe feala ke tou fai ke mālohi tuʼumaʼu totatou ʼofa ki totatou ʼu tēhina fakalaumālie? (1 Pet. 2:​17) ʼE tou lava fakahā feafeaʼi ki te hahaʼi ʼe maʼuli moʼoni totatou ʼofa ki totatou ʼu tēhina ʼi te kele katoa? (Mat. 23:8) ʼAki te foʼi fime viteo Toute la communauté des frères. ʼE fakahā ai pe koʼe ʼe tou feʼofaniʼaki. Koutou vakaʼi peʼe feala hakotou tali ki te ʼu fehuʼi ʼaenī:

(1) Koteā te ʼu gāue e tolu e tou kau kiai mo totatou ʼu tēhina ʼi te malamanei katoa? (2) ʼE fakahā feafeaʼi e totatou ʼu tēhina tonatou loto moʼoni ʼaē ke nātou faka mafola (a) ʼi te ʼu koga meʼa mamaʼo ʼo Alaska, (b) ʼi te ʼu ʼuafu lalahi ʼo Eulopa, pea (c) ʼi te ʼu vao matuʼa ʼo Pelu? (3) Koteā te meʼa gāue ʼaē neʼe fua lelei ʼaupito tona fakaʼaogaʼi? (4) He koʼe ʼe mole tonu ke tou manatu ʼi he temi ko te fai faka mafola ʼe hage pe ko he gāue māhani? (5) Koutou tuku mai he ʼu faʼifaʼitaki neʼe hā ai te fefakaloto fīmālieʼaki pea mo te felagolagoʼaki ʼa te kau Fakamoʼoni ʼa Sehova ʼi te ʼu temi mamahi​—ʼi te ʼu mafuike, mo te ʼu afā, pea mo te ʼu tau. (Vakaʼi te ʼu palalau neʼe fai e Takao ʼi te pasina 23 ʼo te Réveillez-vous ! ʼo te ʼaho 22 ʼo ʼAukusito 1995, pea mo Kotoyo ʼi te pasina 20 ʼi te Réveillez-vous ! ʼo te ʼaho 22 ʼo ʼOketopeli 1996) (6) Koteā te ʼu meʼa ʼe feala ke tou fai fuli moʼo fakahā te fakaʼiloga lahi ʼo totatou fale tautēhina? (Soa. 13:35) (7) ʼE tonu ke maʼuhiga feafeaʼi kia tatou tatatou ʼu fono? (8) Neʼe malave feafeaʼi kia nātou ʼaē neʼe mole hanatou ʼu Fale ʼo Te Puleʼaga ʼi muʼa atu, tanatou maʼu leva hanatou fale ke nātou fakatahitahi ai? (9) ʼI te tapuʼi ʼo te gāue ʼo totatou ʼu tēhina ʼo te Potu Esite ʼo Eulopa, neʼe feafeaʼi tanatou nonofo mālolohi ʼi te faʼahi fakalaumālie? (10) Māʼiape la mo te temi ʼaenī, koteā te ʼu faiga fakaofoofo ʼe fai e te kau Fakamoʼoni tokolahi ke nātou kau ki te ʼu fakatahi lalahi, pea koteā tona tupuʼaga? ʼE malave feafeaʼi te faʼahi ʼaia kia tatou? (11) He koʼe ʼe koutou lotomālohi ke koutou tauhi fakatahi ʼi te logo tahi, mo tokoni ki te hahaʼi ʼi te ʼu temi faigataʼa, pea mo koutou fai faka mafola ʼi te temi fuli pe pea mo te ʼu ʼaluʼaga fuli pe? (12) He koʼe ʼe lelei ke kita maʼu te foʼi fime viteo ʼaia pea mo fakahā ki te hahaʼi tokolahi ʼaē ka nātou fia sio anai kiai?