He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo Maio

“ ʼE ʼi ai te ʼu fehuʼi ʼe mole feala ke tali kiai te tagata. Koʼeni tona faʼifaʼitaki. [Lau age ia Sopo 21:7.] Neʼe kua ʼi ai koa he fehuʼi neʼe ke fia fai ki te ʼAtua? [Tuku ke fai mai hana tali.] Ko te nusipepa ʼaenī ʼe ina fakamahino mai, ʼe ʼi ai te ʼu hahaʼi ʼi te malamanei katoa, kua nātou maʼu te ʼu tali lelei ki te ʼu fehuʼi maʼuhiga e tolu.”

Réveillez-vous ! ʼaho 8 ʼo Maio

“Ko te tokolahi ia tatou ʼe tou ʼiloʼi he tahi ʼe kau ʼi te suka. ʼE koutou ʼiloʼi lelei koa te ʼuhiga ʼo te mahaki ʼaia? [Koutou fakahā age te takafi ʼo te nusipepa, pea koutou tuku ke fai mai hana tali.] Ko te nusipepa ʼaenī ʼe ina fakamahino mai te ʼu tupuʼaga ʼo te mahaki ʼaia pea mo tona ʼu faitoʼo. ʼE toe talanoa ai foki ki te fakapapau mai ʼa te Tohi-Tapu, ʼe pulihi anai te ʼu mahaki fuli ʼo talu ai.” Moʼo fakaʼosi, koutou lau age ia Isaia 33:24.

Te Tule Leʼo ʼaho 15 ʼo Maio

“ ʼI te ʼaho fuli, ʼe tou logo ai ki te ʼu talanoa ʼo ʼuhiga mo te agamālohi. ʼI tau manatu, neʼe feiā koa ki muʼa atu? [Tuku ke fai mai hana tali.] Koʼeni te manatu ʼa te Tohi-Tapu. [Lau age ia Mateo 24:37.] Neʼe kovi ʼaupito te temi ʼo Noe, koia neʼe molehi ai e te ʼAtua te hahaʼi fuli, gata pe kia Noe pea mo tona famili. Ko te nusipepa ʼaenī ʼe ina fakahā mai ko te ʼu meʼa ʼaia ʼe ʼi ai tonatou ʼuhiga maʼa tatou ia ʼaho nei.”

Réveillez-vous ! ʼaho 22 ʼo Maio

“Ia ʼaho nei, ʼe lahi te ʼu mahaki ʼe tupu ko te ʼu kiʼi manu. ʼE ke ʼiloʼi koa ʼe ʼi ai te ʼu puleʼaki ʼe tonu ke kita fai moʼo hāofaki ʼo kita? [Tuku ke fai mai hana tali.] Ko te nusipepa ʼaenī ʼe talanoa ʼo ʼuhiga mo te ʼu puleʼaki ʼaia, pea mo te fakapapau ʼa te Tohi-Tapu, ʼo ʼuhiga mo he temi ʼe mole toe ʼi ai anai he mahaki.” Moʼo fakaʼosi, koutou lau age ia Isaia 33:24.