Ko Te ʼu Fakatuʼutuʼu Moʼo Tokoni Mai Ke Tou Fakafisi Ki Te Toto

Ko te sikalaipe ʼe tonu anai ke ina vakaʼi ke feʼauga te ʼu kate Instructions médicales/Attestation prévisionnelle, mo te Document dʼidentité médical. Hili te fono, ʼe foaki anai ki te kau Fakamoʼoni ʼaē kua papitema he kate foʼou, pea ko nātou ʼaē ʼe ʼi ai tanatou ʼu tamaliki liliki mole heʼeki papitema, ʼe feala anai ke foaki kia nātou te Document dʼidentité médical maʼa tanatou tamaliki takitahi.

ʼI muʼa ʼo te sinie ʼo te foʼi kate, ʼe vakaʼi lelei anai peʼe kua tohi katoa. ʼE tonu ke sinie, mo tohi ai tona higoa, pea mo te ʼaho, pea kapau ʼe ʼaoga, ʼe tokoni anai te kau tagata ʼāfea ki te faʼahi ʼaia. ʼAki te lisi, ʼe vakaʼi anai e te ʼu tēhina taupau takitahi ʼo te ʼu ako tohi ke maʼu e tanatou ako tohi katoa he tokoni ʼe ʼaoga moʼo tohi tanatou foʼi kate Instructions médicales/Attestation prévisionnelle.

ʼE feala anai ke nātou tokoni kia nātou ʼaē ʼe pupuli mo kapau ʼe nātou loto kiai, ʼi te Fono Gāue ka hoa mai ʼo aʼu ki te kua tohi fuli e te kau fai faka mafola kua papitema tanatou foʼi kate. (Vakaʼi te tohi ʼo te ʼaho 5 ʼo Novepeli 1997.)

Ko te ʼu kaugā fagona ʼaē mole heʼeki papitema ʼe feala ke nātou tohi hanatou pepa maʼa nātou pea mo tanatou fānau, ke ʼalutahi te meʼa ʼaē ʼe nātou tohi pea mo tonatou ʼaluʼaga pea mo te ʼu meʼa ʼaē ʼe nātou tui kiai.