He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 15 ʼo ʼApe.

“Ko ʼihi ʼe nātou manatu ko te ʼu meʼa fuli ʼaē ʼe hoko ʼi tonatou maʼuli, ʼo feiā mo te ʼu tuʼutāmaki, ʼe ko te finegalo ʼo te ʼAtua. Kae koteā tau manatu ki te faʼahi ʼaia? [Tuku ke fai mai hana tali.] Ko te tokolahi ʼe nātou ʼiloʼi te faikole ʼaenī. [Lau age ia Mateo 6:​10b.] Koteā te finegalo ʼo te ʼAtua ʼo ʼuhiga mo te kele, pea ko ʼafea ʼaē ka hoko katoa ai? ʼE ke maʼu anai ʼi te nusipepa ʼaenī te tali ʼa te Tohi-Tapu.”

Réveillez-vous ! ʼaho 22 ʼo ʼApe.

“ ʼI te malamanei, ko ʼihi ʼe mole ʼi ai hanatou ʼamanaki. ʼE ʼi ai koa he ʼu temi ʼe ke logo feiā ai? [Tuku ke fai mai hana tali. Pea lau age ia Loma 15:4.] Ko te tokolahi ʼe nātou ʼiloʼi ʼe maʼuhiga ke ʼi ai hanatou ʼamanaki. ʼE ke fiafia anai mo kapau ʼe ke lau te Réveillez-vous ! ʼaenī, koteʼuhi ʼe tuʼu ai te ʼu tupuʼaga e fitu ʼe tuku mai e te Tohi-Tapu ke ʼi ai hatatou ʼamanaki.”

Te Tule Leʼo ʼaho 1 ʼo Maio

“Moʼo fetogi te maʼuli ʼo te sosiete fakatagata, ko ʼihi kau takitaki lotu ʼe nātou kau ki te politike. Kae ʼe ke manatuʼi peʼe koteā ʼaē neʼe fai e Sesu ʼi te temi ʼaē neʼe fia fakanofo hau ia ia e te hahaʼi? [Lau age ia Soane 6:​15.] Neʼe ʼi ai te faʼahi neʼe faka maʼuhigaʼi tāfito e Sesu, ʼe ina foaki anai ki te malamanei te ʼu tapuakina ʼe heʼegata, pea ʼe talanoa te nusipepa ʼaenī ki te faʼahi ʼaia.”

Réveillez-vous ! ʼaho 8 ʼo Maio

“ ʼE lahi te hahaʼi ʼe nātou felāveʼi mo te ʼu ʼaluʼaga faigataʼa ʼi te gāue. Ko ʼihi ʼe fakakinakinaʼi e tanatou ʼu kaugā gāue. ʼE ke ʼiloʼi koa ʼe maʼu ʼi te Tohi-Tapu te ʼu tokoni ʼe ʼaoga anai kia tatou ke tou lava kātakiʼi te ʼu ʼaluʼaga ʼaia? [Tuku ke fai mai hana tali. Pea lau age ia Tāʼaga Lea 15:1.] ʼE ke maʼu anai ʼi te nusipepa ʼaenī, te ʼu tokoni ʼaoga moʼo taupau te tokalelei ʼi tau ʼu felogoi mo ʼihi ʼi te gāue.”