He ʼu Manatu ʼo ʼUhiga Mo Te ʼu Nusipepa

Te Tule Leʼo  ʼaho 15 ʼo Sūnio

“ ʼI tau manatu, ʼe faigataʼa koa ʼi te temi nei ia te akoʼi ʼo te fānau? [Tuku ke fai mai hana tali.] ʼE fakahā lelei mai e te Tohi-Tapu ʼe lava akoʼi e te ʼu mātuʼa tanatou fānau. [Lau age ia Tāʼaga Lea 22:6.] Ko Te Tule Leʼo ʼaenī ʼe ina foaki te ʼu tokoni ʼaoga ki te ʼu mātuʼa ʼo ʼuhiga mo te faʼahi ʼaia.”

Réveillez-vous ʼaho 22 ʼo Sūnio

“ ʼE ʼui e ʼihi hahaʼi, ko te tui ki te ʼAtua ʼe mole ʼalutahi mo te ʼu meʼa fakapoto lalahi. ʼE ke ʼiloʼi koa ʼe ʼi ai te ʼu hahaʼi faiako lalahi ʼe nātou ʼui ko te ʼu meʼa fakapoto lalahi ʼe nātou fakamoʼoni ʼe ʼi ai te ʼAtua? [Tuku ke fai mai hana tali.] Ko te Réveillez-vous ! ʼaenī ʼe talanoa ki te ʼu fakamoʼoni ʼaē neʼe kua tupu ai tanatou faka tui ki te faʼahi ʼaia.” Lau age ia Loma 1:​20.

Te Tule Leʼo ʼaho 1 ʼo Sūlio

“Ka hoko he tuʼutāmaki, ko te tokolahi ʼe nātou fia ʼiloʼi peʼe tokaga moʼoni koa te ʼAtua ki te hahaʼi pea mo sio ifo ki tonatou ʼu mamahi. Neʼe kua ke fai koa te fehuʼi ʼaia? [Tuku ke fai mai hana tali.] ʼE fakahā e te nusipepa ʼaenī ko te ʼAtua ʼe tokaga kia tatou ia ʼaho nei pea neʼe ina fai he fakatuʼutuʼu moʼo pulihi te ʼu mamahi fuli.” Lau age ia Soane 3:​16.

Réveillez-vous ʼaho 8 ʼo Sūlio

“Ko te tokolahi ʼe nātou ʼui ko te temi tūpulaga ʼe ko he temi fakafiafia pea mo he temi fihifihia, koteā tau manatu ki te faʼahi ʼaia? [Tuku ke fai mai hana tali.] ʼE talanoa te nusipepa ʼaenī ki te ʼu fetofetogi ʼaē ʼe hoko ʼi te maʼuli ʼo te ʼu tūpulaga. ʼE ina toe fakahā mai te ʼu tokoni poto ʼe feala ke ʼaoga kia nātou ʼi tonatou temi tūpulaga.” Lau age ia Tagata Tānaki 12:1.