He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo Sūnio

“ ʼI tau manatu, ʼe feala koa ʼi he ʼaho ke ke maʼuli ʼi te ʼu ʼaluʼaga ʼaē ʼe fakamatala ʼi te vaega ʼaenī? [Lau age ia 2 Petelo 3:​13, pea tuku ke fai mai hana tali.] ʼI te nusipepa, ʼe ke maʼu ai anai he fakamahino ʼo ʼuhiga mo te lagi foʼou pea mo te kele foʼou. ʼE toe fakamatala ai te ʼu fetogi ʼaē ka hoko mokā fakahoko anai e te ʼAtua tona finegalo ʼo ʼuhiga mo te kele.”

Réveillez-vous! ʼo Sūnio

“ ʼAki te ʼu tuʼutāmaki ʼaē neʼe hoki ʼosi atu, ʼe ke manatu koa ʼe maʼuhiga te fakalogo ki te ʼu fakatokaga ʼaē ʼe fai mai? [Tuku ke fai mai hana tali.] Ko te alatike ʼaenī ʼe talanoa ʼo ʼuhiga mo te ʼu faʼahi ʼaē kua mahino kiai ia nātou ʼaē neʼe tō kiai te afā ʼo Katrina. ʼE toe talanoa ai foki ʼo ʼuhiga mo te fakatokaga ʼe tonu kiā tatou fuli iā ʼaho nei ke tou mulimuli kiai.” Fakahā age ia te alatike ʼaē ʼe kamata ʼi te pasina 14.

Te Tule Leʼo ʼaho 1 ʼo Sūlio

“ ʼE ke manatu koa, ʼe feala hatatou fiafia logola te ʼu fihifihia ʼaē ʼe tou felāveʼi mo ia? [Tuku ke fai mai hana tali.] ʼI te nusipepa ʼaenī, ʼe talanoa ai ʼo ʼuhiga mo te matapuna ʼaē ka ina faka fealagia anai ke ke maʼu he puleʼaki ki tou ʼu fihifihia. ʼE toe talanoa ai ʼo ʼuhiga mo te mālohi ʼaē ʼe ke lava maʼu ʼi te ʼamanaki moʼoni.” Lau age ia Apokalipesi 21:​3, 4.

Réveillez-vous! ʼo Sūlio

“ ʼE lahi te ʼu taumātuʼa ʼi totatou temi, ʼe nātou felāveʼi mo te ʼu faigataʼaʼia. ʼI tau manatu, ʼe maʼu anai koa he ʼu lelei e te ʼu taumātuʼa, mo kapau ʼe natou mulimuli ki te tokoni faka Tohi-Tapu ʼaenī? [Lau age ia Efeso 4:32. Tuku ke fai mai hana tali.] ʼI te Réveillez-vous ʼaenī, ʼe maʼu ai te ʼu pelesepeto ʼāfea ʼa te Tohi-Tapu kua ʼahiʼahiʼi, pea ʼe lava tokoni ki te fiafia ʼa he maʼuli faka taumātuʼa.”