He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo Sūnio

“ ʼE tou logo ʼe ʼui e te tokolahi, ʼe natou leleiʼia anai hanatou māʼuʼuli ʼi he puleʼaga, ʼe feala ke ina fakatokatoka moʼoni ia te ʼu fihifihia lalahi ʼe tau mo tātou ʼi te temi nei. [Talanoa ki he ʼu fihifihia ʼe hoko ʼi tokotou fenua ohagē ko te mole he gāue, te tuputupu ʼo te fai fakapō, peʼe ko te fakaʼaogaʼi ʼo te toloke.] Ko te ʼu meʼa ʼaia ʼe hoko kiā tātou ʼe tou logoʼi ai ia te mole ʼi ai hotatou puipui ʼo ʼuhiga mo te kā haʼu, kiā tātou pea mo nātou ʼe tou ʼoʼofa ai. ʼI tau manatu ʼe ʼi ai koa he Puleʼaga ʼe feala anai ke ina fakatokatoka te ʼu fihifihia? [Tuku ke fai mai hana tali.] ʼE lagi kua ke faikole ʼo fai te kole ʼaē ko te Tamai ʼaē ʼi Selō. Kapau koia, ʼe ke ʼiloʼi koa neʼe faikole ʼo ʼuhiga mo te puleʼaga faitotonu.” Fakahā age ia te ʼalatike ʼaē ʼe kamata ʼi te pāsina 10.

Réveillez-vous! ʼo Sūnio

“ ʼE mahino papau ia, ʼe kotou loto tahi anai ko te kau tūpulaga ʼo te temi nei ʼe faigataʼa tāfito ia tonatou temi tūpulaga pea ʼo toe fēia aipē ki tanatou ʼu mātuʼa. ʼI tau manatu, ko te mulimuli ki te ʼu tokoni ʼaenī, ʼe ina fakatuputupu anai koa ia te poto ʼa te ʼu mātuʼa ʼi te ako fānau? [Lau age ia Sake 1:19. Pea tuku ke fai mai hana tali.] ʼE kotou fiafia anai ʼi takotou maʼuliʼi ia te ʼu manatu Fakatohi-tapu ʼaē ʼe tuʼu ʼi te nusipepa ʼaenī.”

Te Tule Leʼo ʼaho 1 ʼo Sūlio

“ ʼI te ʼu hisitolia ʼo te Tohi-Tapu ʼe ʼiloa lelei ia te hisitolia ʼo Noe pea mo te Tulivio. ʼI tau manatu neʼe hoko moʼoni koa ia te Tulivio? [Tuku ke fai mai hana tali.] Neʼe toe talanoa ia Sesu ki te meʼa ʼaia neʼe hoko. [Lau age ia Luka 17:26, 27.] ʼI te nusipepa ʼaenī, ʼe foaki mai ia te ʼu tupuʼaga ke tou tui ai ki te fakamatala ʼo ʼuhiga mo te Tulivio pea mo ina fakamahino ia te ako maʼuhiga ʼaē ʼe feala ke tou maʼu mai ai.”

Réveillez-vous! ʼo Sūlio

“Ko te hahaʼi ʼohoana ʼe natou tau mo te ʼu kinakina, pea tokolahi te ʼu taumātuʼa ki muli age ʼe natou māvete. ʼI tau manatu, ko te mulimuli ki te tokoni ʼaenī ʼe ʼaoga anai koa ki te lelei ʼo te nofo ʼohoana? [Lau age ia Tāʼaga Lea 12:18. Pea tuku ke fai mai hana tali.] ʼI te nusipepa ʼaenī ʼe talanoa ai, ki ʼihi ʼu pelesepeto Fakatohi-tapu, ʼe feala ke tokoni kiā nātou ʼohoana ke natou fakamālohiʼi ia tanatou ʼu felōgoi.”