Koutou Fai He Polokalama Faka Famili ʼe ʼAoga
1 ʼI tana Akonaki ʼi te Moʼuga, neʼe fakaloto mālohiʼi fēnei e Sesu ia te hahaʼi: “Ke koutou haga kumi muʼa te puleʼaga pea mo tona faitotonu.” (Mat. 6:33, MN) Ke feala ki te ʼu famili ke nātou fakamuʼamuʼa tuʼumaʼu ia te ʼu gāue fakalaumālie, ʼe lelei ke nātou fai hanatou polokalama. Koutou fakaʼaogaʼi he ʼu kiʼi minuta moʼo tohi ki he pepa takotou polokalama faka famili ʼo te vāhaʼa, ʼo koutou fakaʼaogaʼi te polokalama ʼaē ʼi te pasina 6. Ko ʼihi ʼe lagi nātou sipi anai te ʼu koga ʼaē ʼe nātou loto kiai pea nātou fakapipiki ki te polokalama. Ko ʼihi age ʼe lagi nātou fia tohi tonu tanatou ʼu fakatuʼutuʼu.
2 Ko te faʼahiga polokalama ʼaē ʼe tuʼu ʼi lalo ʼe lava tokoni atu moʼo fai ʼo hakotou polokalama. ʼI te polokalama ʼaia ʼe koutou fakatokagaʼi anai, ʼe tohi ai te ʼu faʼahi tāfito e fā: (1) te kau ki te ʼu fono, (2) te fai faka mafola faka famili, (3) te ako faka famili, pea (4) te lau ʼo te koga tohi ʼo te ʼaho. Kapau ʼe koutou tohi te ʼu faʼahi ʼaia ki takotou polokalama, pea ʼe feala ai anai hakotou “ʼiloʼi papau te ʼu meʼa ʼaē ʼe maʼuhiga tāfito.” (Filp. 1:10, MN) ʼE tuʼu te tahi ʼu tokoni ʼo ʼuhiga mo te ʼu faʼahi ʼaia e fā ʼi te pasina 4 pea mo te pasina 5.
3 ʼE mole tonu ke faka tuʼakoi takotou polokalama ki te ʼu faʼahi pe ʼaia e fā. Kapau ʼe ʼi ai he tahi ʼu fono ʼe koutou teuteuʼi faka famili, pea ʼe lelei hakotou tohi ki te polokalama. Kapau ʼe koutou lau fakatahi he ʼu vaega ʼo te Tohi-Tapu mokā ʼosi takotou vakaʼi te koga tohi ʼo te ʼaho peʼe ʼi he tahi age temi, koutou tohi ki te polokalama. Kapau ʼe koutou tautau fakatuʼutuʼu he ʼu kiʼi fakafiafia faka famili, ʼe lagi koutou fia tohi anai ki takotou polokalama.
4 Koutou fai takotou polokalama faka famili ʼo mulimuli pe ki te ʼu meʼa ʼaē ʼe ʼaoga kiā koutou pea mo te ʼu ʼaluʼaga ʼo nātou fuli ʼo te loto fale. ʼI ʼihi temi, lagi ʼe tonu ke koutou toe fetogi.
[Talanoa ʼo te pasina 3]
He Faʼahiga Polokalama Faka Famili
(Vakaʼi te Minisitelio)
[Talanoa ʼo te pasina 6]
Te Polokalama Faka Famili
(Vakaʼi te Minisitelio)