He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo ʼApe.

“ ʼI tau manatu, ʼe ʼi ai anai koa he faitoʼo ki te mate? [Tuku ke fai mai hana tali.] ʼI te Tohi-Tapu ko te faitoʼo ʼaia ʼe higoa ko te Fakatuʼuake. ʼE lagi mata faigataʼa ki te tokolahi hanatou tui ʼe fakatuʼuake anai ia te hahaʼi ʼaē neʼe nātou ʼoʼofa ki ai. Kae koʼeni te manatu fakaloto mālohi ʼaē ʼe tuʼu ʼi te vaega Tohi-Tapu ʼo Gaue 24:15. [Lau age.] Ko ʼafea pea ko te potu fea ʼaē ka hoko ai te faʼahi ʼaia? ʼE ke maʼu anai ʼi te nusipepa ʼaenī ia te tali ʼo ʼuhiga mo te faʼahi ʼaia ʼi te Tohi-Tapu.”

Réveillez-vous! ʼo ʼApe.

“Tokolahi ʼe nātou ʼui ko te koluse ʼe tokoni ki tanatou tauhi ʼaē ki te ʼAtua. Kae ko ʼihi ʼe nātou feʼekeʼaki anai: ʼE lelei koa hata tauhi ki te meʼa ʼaē neʼe fakaʼaogaʼi moʼo matehi ʼaki ia Sesu? Neʼe mate moʼoni koa Sesu ʼi he koluse? ʼI te alatike ʼo te pasina 12, ʼe ke maʼu anai te ʼu tali faka Tohi-Tapu ki te ʼu fehuʼi ʼaia.” Lau age ia Gaue 5:⁠30.

Te Tule Leʼo ʼaho 1 ʼo Maio

“Tokolahi ʼe nātou ʼui ko te kalavī ki he maʼuli faka famili fiafia ʼe ko he ʼu felogoi lelei, kae ʼe mata faigataʼa ki te tokolahi hanatou felogoi lelei. ʼI tau manatu, he koʼe ʼe hoko te ʼaluʼaga ʼaia? [Tuku ke fai mai hana tali.] ʼE ke maʼu anai ʼi te nusipepa ʼaenī te ʼu tokoni moʼo fakatupu ʼo he ʼu felogoi ʼe lelei.” Lau age ia Sakopo 1:⁠19.

Réveillez-vous! ʼo Maio

“Neʼe kua ke feʼekeʼaki koa pe koʼe ʼe tou mātutuʼa? [Tuku ke fai mai hana tali.] Ko te fakamahino ʼaē ʼe tou maʼu ʼi te Tohi-Tapu ki te tupuʼaga ʼo tatatou mātutuʼa, ʼe hā ʼaki mai te puleʼaki neʼe fai e te ʼAtua ke feala ai hatatou maʼu ia te maʼuli heʼegata. [Lau age ia Isaia 25:8.] ʼE ke maʼu anai ʼi te nusipepa ʼaenī, te ʼu faʼahiga manatu ʼo ʼuhiga mo te mātutuʼa.”