He ʼu Manatu ʼo ʼUhiga Mo Te ʼu Nusipepa

Te Tule Leʼo ʼaho 1 ʼo Sūnio

“Kā mate he tahi neʼe tou ʼoʼofa ai, ʼe tou toe fia sisio ki ai. ʼE mole ko tau manatu koa lā ʼaia? [Tuku ke fai mai hana tali.] Ko te hahaʼi tokolahi neʼe natou maʼu he fakaloto fīmālie ʼi te fakapapau ʼaenī ʼo te Tohi-Tapu ʼo ʼuhiga mo te fakatuʼuake. [Lau age ia Gāue 24:15.] ʼE fakamahino ʼi te nusipepa ʼaenī te meʼa ʼaē kā hoko kiā nātou ʼaē kua mamate ʼaki te fakapapau ʼa te Tohi-Tapu ʼo ʼuhiga mo te fakatuʼuake.” Fakahā age ia te ʼalatike ʼaē ʼe kamata ʼi te pāsina 17.

Réveillez-vous! ʼo Sūnio

“ ʼE ʼaoga kiā tātou fuli he falā ke tou māʼuʼuli ai. ʼI tau manatu, ʼe feala koa ke liliu he tahi ʼo tokaga fau ke maʼu hana falā? [Tuku ke fai mai hana tali.] ʼE ke tokagaʼi te manatu ʼaē ʼe ʼui ʼi henī ʼo ʼuhiga mo te ʼu fua ʼo te kumi ʼo he ʼu koloa. [Lau ia 1 Timoteo 6:10.] ʼE fakahā ʼi te nusipepa ʼaenī he ʼu tokoni peʼe lava feafeaʼi ki he tahi hana faka faigafua tona maʼuli pea mo maʼuli ʼaki he falā veliveli.”

Te Tule Leʼo ʼaho 1 ʼo Sūlio

“Neʼe kua ke feʼekeʼaki koa, peʼe koteā te tupuʼaga ʼo te gaohi koviʼi ʼo te hahaʼi ʼuhi he natou kau ki he lanu peʼe ko he fenua kehe, peʼe ʼuhi he natou palalau ʼi he tahi age lea? [Tuku ke fai mai hana tali.] ʼE feala ke ke tokagaʼi te tali ʼaē ʼe tuku mai ʼi henī. [Lau age ia 1 Soane 4:20.] ʼE fakamahino mai ʼi te nusipepa ʼaenī ia te tali ki te fehuʼi ʼaenī: ʼE feala koa he felōgoi ʼa te ʼu lanu kehekehe?”

Réveillez-vous! ʼo Sūlio

“ ʼO mole hagē ko te ʼu manu ʼaē ʼe mole fakakaukau, ko te tagata ʼe feala ke ina filifili te ʼu lēkula ʼaē ʼe fia mulimuli anai kiai ʼi tona maʼuli. ʼI tau manatu, ʼe feala ke tou maʼu ʼifea he ʼu tokoni ʼe tāu mo te falala? [Tuku ke fai mai hana tali. Pea kotou lau age ia Pesalemo 119:105.] ʼE fakamahino ʼi te nusipepa ʼaenī ia te māʼoluga ʼo te takitaki ʼaē ʼe tou maʼu ʼi te Tohi-Tapu.”