He Faʼifaʼitaki ʼo He ʼu ʼUluaki Palalau

Te Tufa ʼo Te Pepa Fakaafe Ki Te ʼAho Fakamanatu

“Neʼe ma ʼomai ʼo tuku atu ki tou kiʼi famili ia te pepa fakaafe ʼaeni, ki he toʼotoʼoga maʼuhiga ka fai anai ʼi te malamanei katoa ʼi te ʼaho 26 ʼo Malesio. Ko te ʼaho fakamanatu ʼaia ʼo te mate ʼo Sesu. ʼE fai anai ia he akonaki Fakatohi-tapu, ʼe fakamahinohino ai pe tokoni feafeaʼi mai ia te mate ʼo Sesu kia tatou. ʼE fakaha atu ʼi te pepa fakaafe ʼaeni ia te koga meʼa ʼae ka fai ai anai te fono pea mo tona hola.”

Ko Te Tule Leʼo Sanualio–Malesio

“ ʼI tau manatu la, ʼe feala koa ki he tahi pe ke ina lau te Tohi-Tapu pea mo mahino ki te moʼoni ʼo ʼuhiga mo te ʼAtua? [Tuku ke fai mai hana tali.] ʼE fakaha ʼi te Tohi-Tapu, ko te iloʼi ʼae ʼo te moʼoni, ʼe mole ko he fealagia ʼe foaki ki te hahaʼi fuli. [Lau ia Mateo 11:25.] ʼE fakaha ʼi te nusipepa ʼaeni pe ʼe kotou lava maʼu feafeaʼi ia te fealagia makehe ʼaia.” Fakaha age ia te alatike ʼi te pasina 9.

Réveillez-vous! ʼo Malesio

“ ʼE ke fakamoʼoni koa ki te ui ʼae ʼe mole faigafua ia taupau ʼo he kiʼi famili ʼi te temi nei? [Tuku ke fai mai hana tali.] Tokolahi te ʼu matuʼā neʼe natou maʼu ia he ʼu tokoni lelei ʼi te Tohi-Tapu. Ohage la, neʼe tokoni ia te vaega ʼaeni ki te ʼu tamai ke natou kumi te ʼu faigamalie ʼae ke natou ako ʼanatou fanau pea mo natou maʼu te lotofalala. [Lau ia Kolose 3:21.] ʼE talanoa tafitō anai ia te alatike ʼaeni kia puleʼaki ʼe nima neʼe tokoni ki te ʼu tamai.”