He Faʼifaʼitaki ʼo He ʼu ʼUluaki Palalau

Te Tufa ʼo Te Pepa Fakaafe Ki Te ʼAho Fakamanatu

“ ʼE matou tufa te pepa fakaafe ʼaeni ki he toʼotoʼoga maʼuhiga. ʼI te ʼaho 3 ʼo Apelili, ʼe fakatahitahi anai ia te toko lauʼi miliona hahaʼi ʼi te malamanei katoa ʼo fakamanatu ia te mate ʼo Sesu. ʼE fai anai ia he akonaki ʼe talanoa ki te ʼu lelei ʼe feala ke tou maʼu mai tona mate. ʼE tohi ʼi te pepa ʼaeni ia te hola pea mo te koga meʼa ʼae ʼe fai ai tamatou fakatahi.”

Ko Te Tule Leʼo Sanualio – Malesio

“Tokolahi te hahaʼi ʼe natou iloʼi ʼe poto age te ʼAtua ia tatou pea ʼe ʼaoga ia te poto ʼae ʼe ina akoʼi mai ʼi te Tohi-Tapu. ʼI tau manatu la, ʼe ʼaoga koa kia tatou ia te ʼu tokoni ʼae ʼe tuʼu ʼi te Tohi-Tapu ke lelei age totatou maʼuli? [Tuku ke fai mai hana tali.] Neʼe fakata e te ʼAtua totonu ia Tana folafola ki he malama taki ʼe feala ke ina taki tatou ʼi te fakapoʼuli. [Lau ia Pesalemo 119:105.] Tokolahi ia ʼaho nei, ʼe natou tau mo te ʼu fihifihia koteʼuhi neʼe lahi fau tanatou toʼo maʼua. ʼE talanoa ʼi te nusipepa ʼaeni ki te ʼu lelei ʼe tou maʼu mo kapau ʼe tou mulimuli ki te ʼu tokoni ʼi te Tohi-Tapu ʼo ʼuhiga mo te faʼahi ʼaia.”

Réveillez-vous! Malesio

“ ʼE ma ʼaʼahi te hahaʼi koteʼuhi ʼe ma fia tufa ia te nusipepa ʼaeni ko te Réveillez-vous ! [Fakaha age te takafi.] ʼE tahi maʼu pe e te hahaʼi ia tana manatu ʼo ʼuhiga mo te fehuʼi ʼaeni: “ ʼE ʼi ai koa he ʼAtua?” ʼI tau manatu la, ko ai ʼae ʼe natou taupau ia he ʼamanaki lelei ʼo ʼuhiga mo te ka haʼu? ʼE ko natou koa ʼae ʼe tui ki te ʼAtua peʼe ko natou ʼae ʼe mole tui ʼe ʼi ai he ʼAtua? [Tuku ke fai mai hana tali.] ʼE au fia lau atu ia he fakapapau neʼe fai e te ʼAtua ʼo ʼuhiga mo te ka haʼu. [Lau ia Pesalemo 37:10, 11.] ʼE maʼu ʼi te nusipepa ʼaeni ia tupuʼaga ʼe fa ke tou kumi pe ʼe ʼi ai moʼoni koa he ʼAtua.”