He Faʼifaʼitaki ʼo He ʼu ʼUluaki Palalau

Te Tufa ʼo Te Pepa Fakaafe Ki Te ʼAho Fakamanatu

“ ʼE matou tufa ia te ʼu pepa fakaafe ki he toʼotoʼoga maʼuhiga. ʼI te ʼaho 14 ʼo Apelili, ʼe fakatahitahi anai ia te toko lau ʼi miliona ʼi te malamanei katoa, ʼo fakamanatu ia te mate ʼa Sesu Kilisito. Pea ʼe fai ai anai he akonaki Fakatohi-tapu ʼo ʼuhiga mo te ʼu lelei ʼe feala ke tou maʼu mai te mate ʼa Kilisito. ʼE fakaha atu ʼi te pepa fakaafe ʼaeni ia te koga meʼa ʼae ka fai ai anai te fono pea mo tona hola.”

Ko Te Tule Leʼo Apelili – Sunio

“Tokolahi ʼe natou fakaʼamu ke gata la ia te ʼu tau. ʼE ke manatu koa ʼe feala anai ʼi he ʼaho, ke tou maʼuʼuli ʼi he malama ʼe tokalelei? [Tuku ke fai mai hana tali.] Ke ke tokagaʼi te fakapapau ʼaeni ʼe fai mai ʼi te Tohi-Tapu. [Lau ia Pesalemo 46:10.] Ko te ʼu aluʼaga ʼae neʼe hoko talu mai te kamata ʼo te ʼUluaki Tau Fakamalamanei, ʼe ko he ʼu fakamoʼoni ʼaia kua vave hoko moʼoni ia te fakapapau ʼaia pea ʼe gata anai ia te ʼu tau ʼo talu ai. ʼE ke maʼu anai ʼi te nusipepa ʼaeni ia te ʼu fakamahino ki te faʼahi ʼaia.”

Réveillez-vous! Apelili

“ ʼE ma ʼomai koteʼuhi ʼe ma fia foaki he tokoni ki te hahaʼi ʼo ʼuhiga mo he aluʼaga kua tautau hoko nei. Ko ʼihi, ʼi te lahi fau ʼo ʼonatou fihifihia, ʼe natou fia fakamate. ʼI tau manatu la, ka fia fakamate he tahi, ʼe fia mate moʼoni koa peʼe ina loto pe ia ke puli tona lotomamahi? [Tuku ke fai mai hana tali.] ʼE ʼi ai ʼi te Tohi-Tapu te fakapapau neʼe tokoni ki te tokolahi ke natou taupau he faʼahiga manatu ʼe lelei. [Lau ia Apokalipisi 21:3, 4.] ʼE ke maʼu anai ʼi te nusipepa ʼaeni ia tupuʼaga ʼe tolu, ʼe feala ke tokoni ki he tahi ke ina haga katakiʼi ʼona fihifihia.”