He Koʼe ʼe Tonu Ke Tou Foimo Olo Vave?

Moka tou fakatahitahi ki te gaue faifakamafola, ʼe tou fakatahi ai mo ʼotatou tehina mo tuagaʼane pea ʼe tou fia faipalalau mo natou. Koia, ʼi te ʼosi ʼo te fono faifakamafola ʼe tonu anai ke tou foimo olo ki te telituale. Ko te gaue faifakamafola ʼe ko he gaue ʼe tonu ke fai fakavilivili. (2 Tim. 4:2, MN) Kapau ʼe tou fakatuatuai pea ʼe mole lahi anai ia te temi ʼae ʼe tou faifakamafola ai. ʼE tou maʼu anai he temi faigamalie mo ʼotatou kaugā gaue moka ʼe tou faifakamafola anai mo natou. Moka ʼe tou foimo olo vave ʼo faifakamafola, ʼe tou fakaha ai tatatou faʼafai ʼi tatatou tauhi ʼae kia Sehova pea mo tona Alo.—Loma 12:11, MN.