Kotou Fakaʼaogaʼi Lelei Tokotou Temi ʼi Te Minisitelio
Neʼe fai e te Kau Fakamoʼoni ʼa Sehova ia hola ʼe 1 945 487 604 ʼi te minisitelio lolotoga ia te taʼu gaue 2014, ʼo ha mai ai neʼe tou maʼumaʼua ʼi te tauhi ʼae kia Sehova. (Pes. 110:3; 1 Ko. 15:58) Mai tona aluʼaga ʼae “kua nounou te temi,” ʼe feala koa ke tou fakaʼaogaʼi totatou temi ke tou maʼu he hahaʼi ʼe tokolahi ʼi te minisitelio?—1 Ko. 7:29.
ʼE maʼua ke tou fai he ʼu fakatuʼutuʼu lelei mo kapau ʼe tou fia fakaʼaogaʼi lelei totatou temi. Ohage la, kapau ʼe tou olo ki te faifakamafola kaʼe ʼe lavaki te ʼu ʼapi, ʼe feala pe ke tou fai ni fetogi ke feala ai ke tou maʼu te hahaʼi. ʼE mole tatau te ʼu aluʼaga ʼo te ʼu telituale takitahi. Kapau ʼe tou mulimuli ki te ʼu tokoni ʼae ʼe hoa mai, ʼe feala ai ke tou fakaʼaogaʼi lelei totatou temi ke ʼaua naʼa tou “ta noa pe te aele.”—1 Ko. 9:26.
Te Faifakamafola ʼi Te ʼu ʼApi: Talu mai fualoa, neʼe tou mahani ʼi te kamata fai ʼo tatatou gaue faifakamafola ʼi te ʼu ʼapi. Kaʼe ʼe lagi lelei ke tou olo ʼo faifakamafola ʼi te ʼu ʼapi ʼi te ʼu hili hoʼata peʼe ko te ʼu afiafi, ʼi te temi ʼae ʼe maʼu ai te hahaʼi ʼi ʼonatou ʼapi. Koteʼuhi tokolahi ʼe natou gaue lolotoga te ʼaho katoa. Lolotoga te ʼaho katoa, ʼe lagi lelei ke tou olo ʼo faifakamafola ʼi te ʼu ala peʼe ʼi te ʼu matani gaue.
Te Faifakamafola ʼAki Te Laupapa: ʼE feala ke tou fakaʼaogaʼi te ʼu laupapa ʼi te ʼu koga meʼa ʼae ʼe kaugā malie ai te hahaʼi ʼae ʼe feʼoloʼaki. (Vakaʼi Te Minisitelio ʼo Te Puleʼaga ʼo Sulio 2013 ʼi te pasina 4.) Kapau ʼe mole kei kaugā malie te hahaʼi ʼae ʼe feʼoloʼaki ʼi he koga meʼa, ʼe feala ke fakatuʼutuʼu e te Komite ʼo Te Gaue ʼo te kokelekasio ke hiki te laupapa ki he tahi age koga meʼa ʼe kaugā malie ai te hahaʼi ʼae ʼe feʼoloʼaki.
Te ʼu ʼAʼahi Pea Mo Te ʼu Ako Tohi-Tapu: ʼE feala pe ke kotou fakatuʼutuʼu ke kotou olo ʼo fai ʼakotou ʼaʼahi pea mo ʼakotou ako Tohi-Tapu ʼi te ʼu temi ʼae ʼe mole maʼu ai te hahaʼi ʼi ʼonatou ʼapi. Ohage la, kapau ʼe haʼele lelei te faifakamafola ʼi te ʼu ʼapi ʼi te ʼu Moeaki uhu, ʼe lagi lelei ke kotou tuku te ʼu ako Tohi-Tapu ki te ʼu hili hoʼata peʼe ki te ʼu afiafi. Ka kotou olo ʼo fai te ʼu ʼaʼahi, ʼe feala ke kotou vaevaeʼi kutuga te kau faifakamafola ke lahi age takotou gaue faifakamafola.
ʼE moʼoni, ʼe feala hakotou lau tokotou temi ki te faifakamafola ʼi he koga meʼa pe ʼe kotou kamata ai takotou gaue, kaʼe ʼe lahi age tokotou fiafia mo kapau ʼe hahaʼi ia natou ʼae ʼe kotou faipalalau mo natou. Kapau ʼe kotou tokagaʼi ʼe lelei age te fai ʼo he gaue ʼi he temi ʼo te ʼaho, ʼe feala pe ke kotou fetogi takotou fakatuʼutuʼu. Kotou kole ia te takitaki ʼa Sehova, “te pule o te taukai,” ke feala hakotou fai he ʼu fakatuʼutuʼu ke kotou fakaʼaogaʼi lelei ai tokotou temi.—Mat. 9:38.