Tou Fakalogo Ki Te ʼAtua Pea Ke Tou Māʼuʼuli ʼo Heʼegata​—Tona Faʼahiga Fakaʼaogaʼi

Ko te kaupepa Tou Fakalogo Ki Te ʼAtua Pea Ke Tou Māʼuʼuli ʼo Heʼegata neʼe fai moʼo akoʼi te ʼu moʼoni Fakatohi-tapu ʼaki he ʼu pāki. Pea neʼe fai maʼa natou ʼae ʼe mole popoto lelei ʼi te lautohi. Ko te ʼu ako takitahi ʼe tuʼu ʼi te ʼu pasina ʼe lua. Pea ʼe maʼu ai he ʼu pāki neʼe fefakahoahoaʼaki pea ʼe tokoni anai ki te fakaalualu ʼo te ʼu manatu.

ʼE lahi te ʼu pasina ʼe maʼu ai te tahi age ʼu manatu ʼe feala ke faipalalau ki ai, ʼo mulimuli pe ki te ʼu fealagia ʼo ia ʼae ʼe ako.

ʼE feala ke ke tufa te kaupepa ʼaia ʼi he temi pe, tatau aipe pe ʼe mole ko te tufa ʼo te mahina. Ka ke fai he ako, fakaʼaogaʼi te ʼu pāki moʼo fakamahino ki ai te ʼu fakamatala ʼae ʼe haʼu mai te Tohi-Tapu. Fai he ʼu fehuʼi ke tali ki ai pea ke ke iloʼi ai pe ʼe kua mahino. Lau pea mo faipalalau ki te ʼu vaega Tohi-Tapu ʼae ʼe tuʼu ʼi te ʼu lalo pasina. Ka kua ʼosi katoa te kaupepa ʼi tona fai, hoko atu te fai ʼo te ako ʼi te tohi Koteā ʼAē ʼe Akoʼi Moʼoni Mai ʼi Te Tohi-Tapu? peʼe Kotea ʼAe ʼe Akoʼi Mai ʼi Te Tohi-Tapu? ke tokoni kia ia ʼae ʼe ako ke tuputupu ʼo kaku ki te papitema.