TE MAʼULI FAKAKILISITIANO
Te ʼu Aga ʼAe ʼe Tonu Ke Tou Fai Moka Tou Faifakamafola ʼi Te ʼu ’Api
ʼE sioʼi te kau Kilisitiano e te malamanei ohage ko he sioʼi ʼo he gaoʼi. (1 Ko 4:9) Koia ʼe mole tonu ai ke tou punamaʼuli moka ʼe sioʼi tatou e te hahaʼi peʼe natou fakalogo te ʼu palalau ʼae ʼe tou fai ʼi te ʼu muʼa matapa. ʼE feala pe ke maʼu ʼi ʼonatou ʼapi he kamela pea mo he mikolo ke feala ai ke natou sioʼi, mo fakalogo pea mo puke ʼatatou faipalalau. Koia ʼe tonu ai ke tou aga fakaʼapaʼapa moka tou faifakamafola ʼi te ʼu ʼapi.—2 Ko 6:3.
TATATOU AGA (Flp 1:27):
Fakaʼapaʼapa ki te loto fale ʼaki tatatou mole fia iloʼi meʼa fuli ki loto. ʼI te ʼu muʼa matapa, ʼaua naʼa koutou kakai ai, mo iʼinu, peʼe fakaʼaogaʼi te telefoni toʼotoʼo ʼo faitelefoni peʼe momoli he ʼu logo
TATATOU FAIPALALAU (Efe 4:29):
ʼI te ʼu muʼa matapa, ʼaua naʼa kotou fai he ʼu palalau ʼe mole lelei. Ko ʼihi kau faifakamafola ʼe natou fakakaukauʼi te ʼu palalau ʼae ka natou fai