He Koʼe ʼe Ke Fakamaʼuhigaʼi Te Tauhi Maʼa?

Ko te meʼa ʼae neʼe ha kia Esekiele ʼo ʼuhiga mo te fale lotu, neʼe fakalotomalohiʼi ai te kau Sutea ʼae neʼe ʼaunofo. Koteʼuhi neʼe natou maʼu ai he ʼamanaki ʼe toe fakatuʼu anai te tauhi maʼa. Lolotoga te ʼu temi fakaʼosi ʼaeni, ko te tauhi maʼa ʼe kua ‘fakatuʼu maʼu ʼi te tumutumu ʼo te ʼu moʼuga.’ (Isa 2:2, MN) ʼE ke metitasio tuʼumaʼu koa ki te pilivilesio ʼae kua ke maʼu ko te iloʼi ʼo Sehova pea mo ke tauhi ki ai?

TE ʼU TAPUAKINA ʼO TE TAUHI MAʼA:

• 

  Ko he meʼa kai fakalaumalie ʼe mahu pea ʼe maʼu ai he ʼu tali ki te ʼu fehuʼi maʼuhiga ʼo te maʼuli. Pea ʼe tou maʼu ai mo he ʼu tokoni ʼaoga ki totatou maʼuli pea mo he ʼamanaki moʼoni.—Esa 48:17, 18; 65:13; Lom 15:4

• Ko he foʼi famili fakamalamanei ʼe maʼu ai te ʼofa.—Ps 133:1; Soa 13:35

• Ko te pilivilesio ʼae ke tou kaugā gaue mo te ʼAtua ʼi te fiafia—Gaue 20:35; 1Ko 3:9

• Ko “te tokalelei ʼo te ʼAtua” ʼae ʼe fakamalohiʼi ʼaki tatou lolotoga te fakafeagai.—Flp 4:6, 7

• Mo he leʼo ʼo loto ʼe maʼa.—2Ti 1:3

• ʼE tou kaumeʼa lelei mo Sehova.—Ps 25:14, MN

ʼE feafeaʼi haku fakaha ʼe au fakamaʼuhigaʼi te tauhi maʼa?