Neʼe ‘Folo e Te Kele Ia Te Vai Tafe’

ʼI ʼihi temi ʼo te hisitolia ʼo te tagata, neʼe tokoni te ʼu puleʼaga fakatagata ki te hahaʼi ʼa Sehova. (Ese 6:1-12; Esa 8:10-13) Feia ʼi te temi nei, neʼe kua tou sisio ki “te kele” ʼae ʼe fakata ki te ʼu naunau kehekehe ʼo te tuʼu ʼaeni, ʼe ina folo ia “te vai tafe” ʼae ʼe fakata ki te fakataga ʼae ʼe fai e “te talakone,” ia Satana te Tevolo. (Fkh 12:16) ʼI ʼihi temi, ʼe uga e Sehova te ʼAtua ʼo te haofaki te ʼu puleʼaga fakatagata moʼo fakalotofimalieʼi tana hahaʼi.—Pes 68:20, MN; Taa 21:1.

Kae ʼe feafeaʼi anai moka ʼe pilisoniʼi koutou ʼuhi ko takotou tui? ʼE tokaga anai ia Sehova kia koutou. (Sen 39:21-23; Pes 105:17-20) ʼAua naʼa galo kia koutou, ʼe fakapale anai takotou tui, pea ko takotou nofo agatonu ʼe ina fakalotomalohiʼi te fale tautehina ʼi te malamanei katoa.—Flp 1:12-14; Fkh 2:10.

VAKAʼI TE ʼATA VITEO KUA FAKAʼATEAINA TE ʼU TEHINA ʼO CORÉE, PEA MO TALI KI TE ʼU FEHUʼI ʼAENI:

• He koʼe neʼe pilisoniʼi te toko lauʼi afe tehina lolotoga ni taʼu ʼi Corée du Sud?

• Kotea te ʼu tonu ʼa te telepinale neʼe fakagafua ai ke fakamavae ʼihi tehina?

• ʼE feafeaʼi hatatou tokoni ki te ʼu tehina ʼi te malamanei ʼae ʼe kei pilisoniʼi?

• ʼE tou fakaʼaogaʼi feafeaʼi totatou loto faʼitaliha?

• ʼE tou malo ʼuhi ko ai?