Kotea ʼAe ʼe Tou Ako Mai Te ʼu Hiva?

Kotea te ʼu hiva ʼae ʼe kotou leleiʼia ʼaupito ʼi te ʼu hiva ʼa te kautahi? Kotea tona tupuʼaga? ʼE ʼi ai koa honatou pikipikiga mo te ʼu aluʼaga ʼo te ʼaho fuli? Ko te ʼu hiva kehekehe ʼaia ʼe feala ke alu tahi mo he aluʼaga neʼe tau mo kita. Kae ʼe mole ko he ʼu hiva pe ke tou fakafiafia ai.

Ko te ʼu hiva takitahi ʼe ina akoʼi mai ni puani ʼe ʼaoga ki totatou maʼuli Fakakilisitiano. Ko ʼihi hiva ki te tali kaiga, mo te logo tahi, mo te fakakaumeʼa,mo te lototoʼa, mo te ʼofa pea mo te tui. Ko ʼihi hiva ki he tahi ʼe toe liliu mai kia Sehova, peʼe lotofakamolemole, peʼe faiga ke agatonu tuʼumaʼu, peʼe ko he tahi ʼe faiga ke lahi tana gaue kia Sehova. ʼE ʼi ai te tahi hiva ki te fakaʼaoga leleiʼi ʼo te ʼu telefoni toʼotoʼo. Kotea ʼihi ako neʼe kotou taʼofi mai te ʼu hiva ʼaia?

VAKAʼI TE HIVA KA HENI HOKO NEI, PEA MO TALI KI TE ʼU FEHUʼI ʼAENI:

• Ko te tapuakina fea ʼo te ka haʼu ʼe manatu ki ai te taumatuʼa?—Sen 12:3

• ʼE tou fakamalohiʼi feafeaʼi tatatou tui ʼae ko Sehova ʼe ina lava fakahoko ʼana fakapapau?

• Ko ai ʼae ʼe tou toe fia fesioʼaki anai mo ia?

• ʼE tokoni feafeaʼi mai te ʼamanaki ʼae ki te Puleʼaga ke tou ʼutakiʼi ai ʼotatou fihifihia?—Lom 8:25