Te Ako Mai Te Fiatuʼu ʼa Falaone

8:11, 14, 15; 9:15-17

Neʼe manatu e te kau Falaone ko natou ʼe ko he ʼu ʼatua. ʼE tou mahino ai ki te fiatuʼu ʼa Falaone, tana mole fia fakalogo kia Moisese pea mo Alone, ʼo toe feia mo ʼana polofeta gaohi meʼa fakamanamana.

Ka fai atu he tokoni kia koe, ʼe ke fia fakalogo anai pea mo fakafetaʼi? Peʼe ʼe ke manatu pe koe ʼe ke tonu? “E muamua te fiamealahi i te maumau.” (Taa 16:18) ʼE maʼuhiga ke tou tauʼi te fiatuʼu.