ʼE Feala Koa Ke Ke Foaki Tou Temi Mo Tou Malohi?

Ohage ko tona fakakikite e Esaia, ia ʼaho nei ʼe tou sisio ki te toe tuputupu lahi ʼi te koga ʼo te kautahi ʼa Sehova ʼae ʼi te kele. (Esa 54:2) Koia ʼae ʼe tonu ai ke hoko atu te laga ʼo te ʼu Fale Fono, te ʼu Fale Fakatahi Lalahi pea mo te ʼu Petele. Pea ʼe tonu foki ke toe taupau lelei te ʼu fale ʼaia pea ʼi ʼihi temi ke toe fakafoʼou. Ko te ʼu faigamalie ʼaia ke tou foaki ai totatou temi mo totatou malohi maʼa Sehova. Kotea ʼae ʼe feala ke tou fai?

• ʼE feala ke tou tokoni moka hinoʼi tatatou kutuga faifakamafola ke fakamaʼa te Fale Fono

• ʼE feala ke tou kau ki te akoako ʼae ke taupau lelei totatou Fale Fono

• ʼE feala ke tou tohi te pepa DC-50 (Demande d’admission comme volontaire local développement/construction) kapau ʼe tou fia kau ʼi he kiʼi temi ki he ʼu gaue laga fale ʼe ovi mai, peʼe ko tona taupau lelei

• ʼE feala ke tou tohi te pepa A-19 (Demande d’admission comme volontaire) kapau ʼe tou fia gaue vahaʼa tahi peʼe ko ni vahaʼa ʼi te Petele, peʼe ko te ʼu fale ʼae ʼe kau ki te filiale

VAKAʼI TE ʼATA VITEO KO HE FAKATUʼUTUʼU LAGA FALE FOʼOU—KOGAʼI ʼATA, PEA MO TALI KI TE ʼU FEHUʼI ʼAENI:

• Kotea te tuputupu fakaofoofo neʼe hoko ʼi tatatou fakaʼaogaʼi te ʼu ʼata viteo talu mai te 2014?

• Kotea ʼae ʼe fakatuʼutuʼu ke laga ke toe lahi age te ʼu ʼata viteo, pea ʼe kamata mo fakaʼosi anai ʼafea te fakatuʼutuʼu ʼaia?

• ʼE feafeaʼi anai hatatou kau ki te ʼu gaue ʼaia?

• Kapau ʼe tou fia kau ki te laga ʼo te fale ʼi Ramapo, he koʼe ʼe tonu ke tou tohi te pepa (DC-50) ʼae ʼe fakafealagia ai ke tou lagolago ki te ʼu fakatuʼutuʼu ʼo te LDC ʼae ʼe ovi kio tatou?

• Kotea te ʼu fakamoʼoni ʼe ha ai ʼe takitaki e Sehova te fakatuʼutuʼu ʼaia?

• ʼE feafeaʼi hatatou lagolago ki te fakatuʼutuʼu ʼaia mo kapau ʼe mole feala ke tou kau ki ai?