Fakaha Te Logo Kua Vave Hoko Mai Te Malama Foʼou

ʼI te mahina ʼo Novepeli, ’e tou fakaha anai te logo kua vave hoko mai te malama foʼou. (Pes 37:10, 11; Fkh 21:3-5) Faiga ke ke lagolago malohi ki te tufa ʼaia. ’E feala pe ke toʼo tau selevisi pionie vaeluaʼi temi ʼo fai ni hola ʼe 30 peʼe 50.

Nofo teuteu ke ke lau ki he tahi pe he vaega Tohi-Tapu ʼo ʼuhiga mo te malama foʼou. Filifili he vaega ʼe malave anai ki te loto ʼo te hahaʼi. Pea kapau ʼe ke tokagaʼi ʼe fia mahino he tahi ki te logo, foaki age ki ai ia te Tule Le’o N° 2 2021. Faiga ke ke toe hoko atu tau faipalalau mo ia pea mo ke kamata hana ako Tohi-Tapu ʼaki te kaupepa Ke Ke Fiafia ʼo Heʼe Gata. ʼE ke fiafia anai ʼi tau vaevae ia he ʼu logo lelei.—Esa 52:7.

VAKAʼI TE ʼATA ʼO TE HIVA ʼI TE PALATISO, PEA MO FAI TE ʼU FEHUʼI ʼAENI:

• Kotea ʼae ʼe manamanatu ki ai ia te kiʼi taʼahine?

• Kotea te ʼu lelei ʼe ke fakaʼamu ki ai ʼi te malama foʼou?

• He koʼe ʼe lelei ke ke metitasio ki te malama foʼou ʼi muʼa ʼo tau kau ki te tufa ʼae ʼi Novepeli?—Luk 6:45