ʼE Feafeaʼi Te Fakaʼaogaʼi Te ʼu ʼAta Viteo Ki Te Ako Tohi-Tapu

Ko ʼata viteo ʼe fa ʼe talanoa ki te ako Tohi-Tapu ʼe feala ke tou fakaʼaogaʼi ki te faifakamafola. ʼE feafeaʼi hatatou fakaʼaogaʼi te ʼu ʼata ʼaia?

• 

  He Koʼe ʼe Lelei Ke Ke Ako Te Tohi-Tapu?—Katoa. ʼE feala ke tou fakaʼaogaʼi te ʼata ʼaeni moʼo uga he tahi ke ina fia mahino ki te Tohi-Tapu, tatau aipe pe kotea tana lotu. ʼE uga ai he tahi ke ina fia kumi ʼi te Tohi-Tapu ia te ʼu tali ki te ʼu fehuʼi maʼuhiga ʼo te maʼuli. ʼE fakamahino ʼi te ʼata pe ʼe feafeaʼi hana fakaui he ako Tohi-Tapu.

• 

  He Koʼe ʼe Lelei Ke Ke Ako Te Tohi-Tapu? (fakanounou). ʼE tatau ia te ʼata ʼaeni pea mo te ʼuluaki ʼata, kae ʼe ʼai leva tana kiʼi nounou. ʼE lelei te ʼata ʼaeni maʼa te hahaʼi ʼae ʼe maʼumaʼua pea ʼe mole lahi honatou temi ke tou faipalalau.

• 

  ʼE Feafeaʼi Te Fai ʼo He Ako Tohi-Tapu? Neʼe fai te ʼata ʼaeni moʼo uga te hahaʼi ke natou tali hanatou ako Tohi-Tapu. ʼE fakamahino ai te agaaga fai ʼo te ako pea mo feafeaʼi te fakaui ʼo he ako.

• 

  Ke Ke Leleiʼia Tau Ako Tohi-Tapu. Neʼe fai te ʼata ʼaeni maʼa natou ʼae ʼe natou ako te Tohi-Tapu. ʼE fakaʼaogaʼi te ʼata ʼaeni ʼi te pasina 2 ʼo te tohi Ke Ke Fiafia ʼo Heʼe Gata, pea ʼe feala tona sioʼi moka tou faipalalau ki te kaupepa Ke Ke Fiafia ʼo Heʼe Gata. ʼE fakamahino ʼi te ʼata ʼaeni te ʼu manatu ʼae ʼi te tohi, ʼae ka vakaʼi anai e ia ʼae ʼe ako.

Kapau ʼe kotou sio ʼe ʼaoga he ʼata ki he tahi, ʼe feala pe ke kotou fakaha age pe ʼe kotou momoli ʼi te Neti. ʼE fakalotomalohiʼi te kau faifakamafola ke natou fakamamahani mo te ʼu ʼata ʼaeni pea mo fakaʼaogaʼi lelei ʼi te faifakamafola.