TE MAʼULI FAKAKILISITIANO

Kua Kotou Teuteu Koa Ki Te ʼu Faigataʼaʼia Fakaekonomika?

Ko te ʼu aluʼaga ʼae ʼe hoko ʼi te malamanei katoa ʼe ina fakatupu ia he ʼu faigataʼaʼia fakaekonomika. Kae ʼe mole tou punamaʼuli tatou ki ai. He kotea tona tupuʼaga? He ʼe tou maʼuʼuli nei ʼi te ʼu ʼaho fakamuli, pea neʼe fakatokaga tatou ʼi te Tohi-Tapu ke ʼaua naʼa tou tuku tatatou falala ki te ʼu “koloa ʼae ʼe fakatemi.” (1Ti 6:17; 2Ti 3:1) Kotea te ako ʼe feala ke tou maʼu mai te Hau ko Sosafate, ʼo ʼuhiga mo te nofo teuteu ki te ʼu faigataʼaʼia fakaekonomika?

Neʼe ʼomai te ʼu fili ke natou tauʼi ia te kau Iselaele, kae neʼe falala ia Sosafate kia Sehova. (2Kk 20:9-12) Neʼe ina fai he ʼu fakatuʼutuʼu ke teuteuʼi ai tana hahaʼi. Neʼe ina fakamalohi te ʼu kolo pea mo laga ni kolo tau. (2Kk 17:1, 2, 12, 13) Tou faʼifaʼitakiʼi ia Sosafate, ʼo tou falala kia Sehova pea mo fai he ʼu fakatuʼutuʼu ke tou nofo teuteu ki te ʼu temi faigataʼa.

KOTEA ʼE FEALA KE TOU FAI KE TOU TEUTEU AI KI TE ʼU FAIGATAʼAʼIA FAKAEKONOMIKA?

Kotou fakamalohi takotou felogoi mo Sehova: Kotou fakamamahani te maʼuli fakafeʼauga pea mo kotou falala tuʼumaʼu kia Sehova ʼe tokaga anai kia koutou. (Mat 6:26; 1Ti 6:8) Kotou fakatotonu malohi ke kotou haga fakaʼapaʼapa tuʼumaʼu ki te ʼu pelesepeto Fakatohi-tapu, maʼia mo te ʼu temi faigataʼa. (Lom 2:21) Kotou fakakaukauʼi nei pe ʼe feafeaʼi anai hakotou maʼu ia te meʼa kai fakalaumalie mo kapau ʼe motu te hila mo te Neti. Kotou taupau he ʼu tohi ʼi fale pea mo kotou toʼo fakatomuʼa mai te Neti he ʼu tohi ki takotou olotinatea peʼe ko ʼakotou kiʼi masini toʼotoʼo.

Kotou fai he ʼu fakatuʼutuʼu: Kotou fakasiʼisiʼi ʼokotou maʼua pea mo te ʼu meʼa ʼae ʼe mole ʼaoga, ʼi muʼa ʼo te hoko mai ʼo te ʼu faigataʼaʼia fakaekonomika. (Taa 22:7) Kapau ʼe feala, kotou tanaki he ʼu meʼa kai pea mo ʼihi atu ʼu meʼa ʼe ʼaoga. ʼE feala ke kotou fai hakotou gaueʼaga ke fakasiʼisiʼi te ʼu meʼa ʼae ʼe kotou toʼo ʼi te fale koloa.

SIOʼI TE ʼATA KUA KOUTOU TEUTEU KOA KI TE ʼU TUʼUTAMAKI FAKANATULA? PEA MO TALI KI TE ʼU FEHUʼI ʼAENI:

Ko he koga ʼi te ʼata “Kua Koutou Teuteu Koa Ki Te ʼu Tuʼutamaki Fakanatula?” Ko he pāki ʼe ha ai he Tohi-Tapu, he kato haofaki maʼuli, pea mo he kau gaue laga fale.

Kotea ʼae ʼe feala ke tou fai ke tou teuteu ai ki he tuʼutamaki ʼe feala ke hoko?

Your answer

Ko he koga ʼi te ʼata “Kua Koutou Teuteu Koa Ki Te ʼu Tuʼutamaki Fakanatula?” ʼE tokoni te ʼu tehina ki te gaue haofaki maʼuli, ʼo natou kau ki te laga fale pea mo te toʼo ki tuʼa ʼo te uta ʼa he kamio.

Kotea ʼe feala ke tou fai ke feala hatatou tokoni ki ʼihi?

Your answer