TE MAʼULI FAKAKILISITIANO
Ke Ke Nofo Teuteu ʼi Te ʼu “ʼAho Fakamuli” ʼAeni
ʼE tou lolotoga maʼuʼuli nei ʼi te ’u “ ʼaho fakamuli,” koia ʼe tou iloʼi ai ʼe fakaalualu anai ʼo kovi ia te aluʼaga ʼo te malama ʼaeni. (2Ti 3:1; “te ʼu mamahi fanau“ nota ia Mat 24:8) Ka hoko he tuʼutamaki fakanatula, ʼe maʼu e te hahaʼi ʼa Sehova, ʼi tona temi totonu, ia te ʼu fakatuʼutuʼu ʼe tonu ke natou mulimuli ki ai, pea ʼe feala ke haofaki ai ʼonatou maʼuli. Kae ʼe maʼuhiga ke tou fakalogo mo nofo teuteu ʼi te faʼahi fakalaumalie, ʼo feia mo te faʼahi fakasino, ʼo kamata atu ʼi te temi nei.—Luk 16:10.
Nofo teuteu ʼi te faʼahi fakalaumalie: Taupau he ʼu agamahani lelei. Ako te fai ʼo te ʼu faʼahiga faifakamafola kehekehe. Kapau ʼe ke to tokotahi, ʼo mole kei ke fakatahi mo te kokelekasio, ʼaua naʼa ke mataku. (Esa 30:15) ʼE nofo tuʼumaʼu pe anai ia Sehova mo Sesu pea mo koe.—od 162 ¶15-17
Nofo teuteu ʼi te faʼahi fakasino: Teuteuʼi tau kato haofaki maʼuli, pea mo tuku keheʼi he ʼu meʼa kai, mo he ʼu foʼi hina vai, mo he ʼu faitoʼo pea mo te tahi ʼu meʼa ʼe ʼaoga anai kia koe, mo kapau ʼe tou nofo punupunu anai ʼo fualoa.—Taa 22:3; g17.5-F 4, 6
VAKAʼI TE ʼATA VITEO KUA KOTOU TEUTEU KOA KI TE ʼU TUʼUTAMAKI FAKANATULA?, PEA MO TALI KI TE ʼU FEHUʼI ʼAENI:
ʼE feafeaʼi hau nofo teuteu ʼi te faʼahi fakalaumalie?
He koʼe ʼe maʼuhiga . . .
ke tou fakamamahani te felogoi mo te kau tagata ʼafeā?
ke tou teuteuʼi tatatou ʼu kato haofaki maʼuli?
ke tou iloʼi pe kotea te ʼu faʼahiga tuʼutamaki ʼe feala ke hoko ʼi totatou fenua, pea kotea ʼe tonu ke tou fai?
ʼE feafeaʼi hatatou tokoni ki ʼotatou tehina mo tuagaʼane moka hoko he tuʼutamaki fakanatula?
KE KE FAI TE FEHUʼI ʼAENI: ‘Kotea ʼae neʼe kotou tokagaʼi talu te kamata ʼo te taʼi mahaki ko te kolonavilusi? He koʼe ʼe maʼuhiga ke tou nofo teuteu?’