Kua Kotou Teuteu Koa?

Kua kotou teuteu koa mo kapau ʼe hoko he tuʼutamaki fakanatula ʼi takotou koga meʼa? ʼE feala ke hoko fakafokifa he ʼu mafuike, mo he ʼu afa, mo he ʼu manunu pea mo he ʼu lomaki, pea ʼe lahi te ʼu maumau. Pea tahi, ʼe feala ke hoko ʼi he potu pe he ʼu agatuʼu, mo he ʼu maveuveu pea mo he ʼu taʼi mahaki. (Ekl 9:11) ʼE mole tonu ke tou ui ʼe mole hoko anai ia te ʼu tuʼutamaki ʼaia ʼi te koga meʼa ʼae ʼe tou nonofo ai.

ʼE tonu kia tatou takitokotahi te teuteuʼi naʼa hoko mai he tuʼutamaki, ʼo fai ʼaki te fakapotopoto. (Taag. 22:3) Ko te kautahi ʼa Sehova kua ina fai he ʼu fakatuʼutuʼu moʼo tokoni mai kia tatou moka hoko he tuʼutamaki. Kae ʼa tatou takitokotahi te teuteuʼi ʼo te faʼahi ʼaia.—Kal. 6:5; nota.

VAKAʼI TE ʼATA VITEO KUA KOTOU TEUTEU KOA KI HE TUʼUTAMAKI FAKANATULA? PEA MO TALI KI TE ʼU FEHUʼI ʼAENI:

• 

  ʼE lava tokoni feafeaʼi mai ʼatatou felogoi lelei mo Sehova moka hoko he tuʼutamaki?

• 

  He koʼe ʼe maʼuhiga ke tou . . .

  • • felogoi mo te kau tagata ʼafea ʼi muʼa ʼo te hoko ʼo te tuʼutamaki, mo te temi ʼae ʼe hoko ai, pea ʼi te ʼosi ʼo te tuʼutamaki?

  • • teuteuʼi he kato haofaki maʼuli?—g17.5-F 6

  • • palalau ki te ʼu tuʼutamaki kehekehe ʼae ʼe feala ke hoko pea mo te ʼu meʼa ʼe tonu ke tou fai moka hoko te ʼu tuʼutamaki ʼaia?

• 

  Kotea faʼahi ʼe tolu ʼe tou lava fai moʼo tokoni kia natou ʼae neʼe hoko ki ai he tuʼutamaki?