He Koʼe ʼe Hoko Pe Te Tau Mo Te Agamalohi

AGAHALA

Neʼe fakatupu e te ʼAtua ia Atama mo Eva, ʼatatou ʼuluaki matuʼā, ki tona pāki. (Senesi 1:27) Neʼe fakaʼuhiga ai neʼe feala ke nā fakaha te ʼu kalitate ʼa te ʼAtua, ʼae ko te ʼAtua ʼo te tokalelei mo te ʼofa. (1 Kolonito 14:33; 1 Soane 4:8) Kae neʼe talagataʼa ia Atama mo Eva ki te ʼAtua, ʼo nā agahala ai. Koia neʼe tou agahala fuli mo mamate. (Loma 5:12) ʼI totatou ʼuhiga agahala ʼe kovi ai ʼatatou manatu pea ʼe tou fai ai ni meʼa ʼe kovi.—Senesi 6:5; Maleko 7:21, 22.

PULEʼAGA FAKATAGATA

Neʼe mole fakatupu tatou e te ʼAtua ke tou puleʼi pe ia tatou. ʼE ui ʼi te Tohi-Tapu: “ ʼE mole feala ki te tagata ʼae ʼe haʼele ke ina takitaki ʼona lakaʼaga.” (Selemia 10:23) Ko te tupuʼaga la ʼaia ʼe mole feala ki te ʼu puleʼaga fakatagata ke natou pulihi katoa te tau pea mo te agamalohi.

SATANA MO ʼANA TEMONIO

ʼE fakaha e te Tohi-Tapu “ ʼe nofo te malamanei katoa ʼi te malohi ʼo te Agakovi.” (1 Soane 5:19) Ko te “Agakovi” ʼaia ʼe higoa ko Satana te Tevolo, ko tona fakaʼuhiga ʼe faifakapo. (Soane 8:44) Ko ia pea mo te ʼu temonio ʼe natou uga te hahaʼi ki te tau pea mo te agamalohi.—Fakaha 12:9, 12.