panitan/stock.adobe.com
TUFA MAKEHE KI TE FAKAMANATU
ʼE Fakagata Anai e Sesu Te Masiva
ʼI tana ʼi te kele, neʼe fakaha e Sesu he ʼofa lahi ki te hahaʼi, tafito kia natou ʼae ʼe masisiva mo fakaʼofaʼofa. (Mateo 9:36) Neʼe ina toe sakilifisioʼi tona maʼuli maʼa te tokolahi. (Mateo 20:28; Soane 15:13) Ka hani ina toe fakaha tona ʼofa ki te hahaʼi ʼaki tana fakaʼaogaʼi tona ʼuhiga Hau ʼo te Puleʼaga ʼo te ʼAtua moʼo fakagata te masiva ʼi te kele katoa.
ʼAki he ʼu palalau fakatuketuke, ʼe talanoa te Tohi-Tapu ki te meʼa ʼae ka fakahoko anai e Sesu:
“Ke ina puipui ia natou ʼae ʼe mole maʼuhiga ʼi te hahaʼi,Ke ina haofaki te ʼu foha ʼo te tagata masiva.”—Pesalemo 72:4.
ʼE tou fakaha feafeaʼi totatou fakafetaʼi ki te ʼu meʼa fuli neʼe fai pea mo ʼae ka fai anai e Sesu maʼa tatou? ʼE ui e Sesu ki ʼana tisipulo ia Luka 22:19 ke natou fakamanatu tona mate. Koia ʼae ʼi te taʼu fuli, ʼi te ʼaho ʼo tona mate, ʼe fakatuʼutuʼu ai e te kau fakamoʼoni ʼa Sehova he fono makehe. ʼE matou fakaafe koutou ki te Fakamanatu ʼo te Mate ʼo Sesu ʼi te ʼAhotapu ʼaho 24 ʼo Malesio 2024.