He Koʼe ʼe Olo Te Kau Fakamoʼoni ʼa Sehova Ki Te Hahaʼi ʼAe Kua ʼi Ai Tanatou Lotu?

Neʼe matou tokagaʼi ko natou ʼae kua ʼi ai tanatou lotu ʼe natou fiafia ʼi te faipalalau ʼo ʼuhiga mo te Tohi-Tapu. Kaʼe ʼe mole matou fakakinauʼi he tahi ke ina fakalogo ki te logo ʼae ʼe matou fakaha. ʼE matou fakaʼapaʼapa ki te loto ʼo takitokotahi.

Ka matou faipalalau mo he tahi ʼo ʼuhiga mo te lotu, ʼe matou faiga ke matou palalau mo “he agamalū pea mo he fakaʼapaʼapa lahi.” (1 Petelo 3:15) ʼE matou iloʼi lelei pe ʼe mole tali anai te hahaʼi fuli ia te logo ʼaia. (Mateo 10:14) Koia ʼ e matou olo pe ki te hahaʼi fuli mo vakaʼi peʼe natou tali leleiʼi anai peʼe kailoa. Pea tahi, ʼe matou iloʼi ʼe feala pe ke fetogi ia te aluʼaga ʼo ʼonatou, ʼo fetogi ai mo tanatou faʼahiga manatu ʼo ʼuhiga mo te logo.

ʼE ʼi ai ʼihi ʼe natou maʼumaʼua ʼi te temi ʼae ʼe matou olo age ai kia natou. Kaʼe ʼe natou ava ʼi te tahi age ʼaho. ʼE ʼi ai ʼihi ʼe natou tau mo he ʼu fihifihia foʼou peʼe kua fetogi te aluʼaga ʼo ʼonatou maʼuli, ʼo tupu ai leva tanatou fia mahino ki te Tohi-Tapu. Ko te tupuʼaga la ʼaia ʼo tamatou olo liuliuga ʼo ʼaʼahi te hahaʼi.