Fakamahino Tatatou Tui ʼo ʼUhiga Mo Te Taʼu 1914

ʼE fakalotomalohiʼi tatou ʼi te Tohi-Tapu ke tou ‘nonofo teuteu ki te tali’ ki te ʼu faʼahi ʼae ʼe tou tui ki ai pea ke tou fai ʼaki “te agamalu mo te fakaapaapa” lahi. (1 Pet. 3:15) ʼE moʼoni, ʼe mole ko he meʼa faigafua ia te fakamahino lelei ʼo te ʼu moʼoni Fakatohi-tapu. Ohage la, he koʼe ʼe tou iloʼi neʼe kamata ʼafio ia te Puleʼaga ʼi te taʼu 1914. Ke tou iloʼi te faʼahi ʼaia, ʼe tou maʼu anai he ʼu alatike ʼe lua ko tona kupu tafitō ʼaeni: “Ko He Faipalalau Mo He Vahaʼa Fale—Neʼe Kamata ʼAfio ʼAnafea Ia Te Puleʼaga ʼo Te ʼAtua?” ʼE maʼu anai te ʼu alatike ʼaia ʼi Te Tule Leʼo ki te tufa ʼo te ʼu mahina ʼo Oketopeli pea mo Novepeli ʼi te Fakafalani. ʼAki tatatou vakaʼi te ʼu alatike ʼaia, kotou vakaʼi te ʼu fehuʼi ʼae ka hoa mai ʼo ʼuhiga mo te fakamahino ʼe tuku mai e Cameron, te tehina ʼae ʼi te faipalalau.

Neʼe feafeaʼi ia tana . . .

• fakaʼaogaʼi he ʼu fakamalō moʼo kamata ʼaki he faipalalau?—Gaue 17:22.

• fakaha te agavaivai ʼi tana fakamahino ia tana tui?—Gaue 14:15.

He koʼe ʼe lelei ke ina . . .

• vakaʼi ia te ʼu puani tafitō ʼi muʼa ʼo tana hiki atu ki he tahi age puani maʼuhiga?

• fai ʼi ʼihi temi he ʼu kiʼi tuʼu pea mo kole age kia ia ʼae ʼe nā faipalalau pe ʼe mahino ki te ʼu fakamahino ʼae neʼe ina fai age?

• he koʼe ʼe mole faiga ke lahi tana palalau ki ʼihi age meʼa lolotoga te faipalalau ʼaia?—Soa. 16:12.

ʼE tou loto fakafetaʼi lahi kia Sehova, totatou “Faiako Lahi” ʼi tana akoʼi tatou ke feala hatatou fakamahino te ʼu moʼoni loloto ʼo te Tohi-Tapu kia natou ʼae ʼe pakupaku ʼi te faʼahi fakalaumalie.—Isa. 30:20, MN.