Fakaʼaogaʼi Lelei Ni Pāki Mo Ni ʼAta

Senesi 15:5

TE MANATU ʼAE KE TAʼOFI: Fakaʼaogaʼi he ʼu pāki pea mo he ʼu ʼata viteo ke mahino gafua ai te ʼu manatu maʼuhiga pea mo faigafua ai tona manatuʼi.

TONA FAʼAHIGA FAI:

• Filifili te ʼu meʼa ʼae ka ke fakaʼaogaʼi ke maʼuli ai tau faʼahiga faiako. Fakaʼaogaʼi he ʼu pāki, peʼe ko he ʼu mape, peʼe ko he tahi age ʼu meʼa ke fakamaʼuhigaʼi ai te ʼu manatu tafito, kae mole ko te ʼu manatu ʼae ʼe mole faʼa maʼuhiga. Faigaʼi ke mole manatuʼi pe e te hahaʼi te meʼa ʼae neʼe natou sisio ki ai, kae ke natou taʼofi tafito te ako.

• Tokaga ke sisio lelei te hahaʼi ki te meʼa ʼae ʼe ke fakaha.