Ke Lelei Age Tatatou Faifakamafola—Faifakamafola Ki Te Kau Kivi

HE KOʼE ʼE MAʼUHIGA: Tokolahi ʼi te kau kivi ʼe mole natou faʼa leleiʼia te faipalalau mo he ʼu hahaʼi kehe, ʼe ʼomai kio natou. Koia, ʼe tonu ke tou aga fakaʼeteʼete ki te ʼu hahaʼi ʼaia ke natou iloʼi ia te moʼoni. Ko Sehova ʼe tokaga ki te kau kivi. (Le 19:14) ʼE tou faʼifaʼitakiʼi anai ia Sehova ʼi tatatou tokoniʼi natou ke natou iloʼi ia ia.

TE ʼU MEʼA ʼAE ʼE TONU KE KOTOU FAI:

• Kumi ia te kau kivi: (Mat 10:11) ʼE kotou iloʼi koa la he famili ʼe ʼi ai he tahi ʼe kivi? ʼE ʼi ai koa ʼi tokotou telituale he ʼu fale ako, peʼe ko he fale taupau mahaki ʼe nonofo ai ni kivi ʼe natou fia lau te ʼu tohi ʼae neʼe fai maʼa natou?

• Kotou Lototokaga. Kapau ʼe kotou agalelei pea mo fakaha age ʼe kotou tokaga moʼoni ki ai, ʼe lotofiafia anai. Kamata faipalalau ki he aluʼaga ʼe natou leleiʼia

• Kotou foaki te meʼa kai fakalaumalie. Moʼo tokoni ki te kau kivi peʼe ko natou ʼae ʼe mole sisio lelei, neʼe fai e te kautahi te ʼu faʼahiga meʼa gaue kehekehe. Kole ki te kilisitiano pe ko te faʼahiga ako fea ʼae ʼe loto ki ai. ʼE tonu ki te taupau ki te faifakamafola ke ina vakaʼi ki te tehina ʼae ʼe tokaga ki te ʼu tohi pe neʼe ina fakaui te ʼu tohi maʼa te kau kivi.