He Tohi Maʼa Te Tagata

Neʼe foaki mai e Sehova te Tohi-Tapu, pea ko he meʼa ʼofa taulekaleka ia. ʼE maʼu ai tohi ʼe 66. Kae ʼe lagi ke feuiʼaki: ‘ʼE haʼu maifea te Tohi-Tapu? Ko ai neʼe ina tohi?’ Tou vakaʼi ni manatu ʼo ʼuhiga mo te Tohi-Tapu moʼo tali ki te ʼu fehuʼi ʼaia.

1. He koʼe ʼe ui ʼe ko te tohi ʼa te ʼAtua kae neʼe tohi e te tagata?

Neʼe tohi te Tohi-Tapu e te toko 40 tupu tagata ia teitei taʼu ʼe 1 600. Neʼe kamata mai ʼi te 1513 ʼi muʼa ʼo totatou temi ki te 98 ʼo totatou temi. Neʼe tahi alu pe te ʼu tagata faitohi ʼaia. Ko ʼihi neʼe ko ni tagata tauhi ovi, mo tagata gelu peʼe ko ni hau. Kae neʼe mole fefakafeagaiʼaki ʼanatou manatu. Kotea tona tupuaga? He ʼe ko te Tohi-Tapu ʼe ʼa te ʼAtua. (Lau ia 1 Tesalonika 2:13.) Neʼe mole tohi e te ʼu tagata faitohi ʼanatou manatu. Kae neʼe natou “fai he ʼu palalau ʼe hau mai te ʼAtua” he neʼe ‘takitaki natou e te laumalie maʼoniʼoni.’a (2 Petelo 1:21) Neʼe fakaʼaogaʼi e te ʼAtua tona laumalie maʼoniʼoni moʼo takitaki te tagata ke natou tohi ʼana manatu.—2 Timoteo 3:16.

2. Ko ai ʼe feala ke ina maʼu te Tohi-Tapu?

ʼE feala ke iloi e te hahaʼi ʼae mai “te ʼu puleaga fuli, mo te ʼu telepi fuli, mo te ʼu lea fuli, pea mo te hahaʼi fuli” ia te logo lelei. ʼE tuʼu te logo ʼaia ʼi te Tohi-Tapu. (Lau ia Apokalipesi 14:6.) ʼE loto e te ʼAtua ke fakaliliu te Tohi-Tapu ʼi te ʼu lea fuli. Pea ke lau e te hahaʼi fuli, tatau aipe pe ʼe natou mauʼuli ʼifea peʼe kotea tanatou lea.

3. He koʼe neʼe puipui e Sehova te Tohi-Tapu?

Neʼe tohi te Tohi-Tapu ʼi ni meʼa ʼe mole tologa, ohage la ko te papilusi. Kae neʼe ʼi ai te ʼu tagata neʼe natou leleiʼia te Tohi-Tapu. Koia neʼe tuʼa lahi ai tanatou haga ʼo hiki fakalelei. Logo la neʼe faiga ʼihi hahaʼi maʼu tuʼulaga ke pulihi te Tohi-Tapu kae neʼe taliʼia e ʼihi ke natou mamate moʼona puipui. Neʼe mole tuku e Sehova he meʼa peʼe ko he tagata ke ina taʼofi tana felogoi mo tatou. ʼE ui fenei ʼi te Tohi-Tapu: “ʼE tuʼu te folafola ʼo totatou ʼAtua ʼo heʼe gata.”—Esaia 40:8.

TA FAKALOLOTO

4. ʼE fakaha mai ʼi te Tohi-Tapu pe ʼa ʼai te tohi

Vakaʼi te ʼATA VITEO. Pea lau ia 2 Timoteo 3:16, mo fai te ʼu fehuʼi ʼae ʼe hoa mai.

ʼATA VITEO: Ko Ai Te Tupuʼaga ʼo Te Tohi-Tapu?—Kogaʼi ʼAta (2:48)

• Kapau neʼe tohi e te tagata ia te Tohi-Tapu, he koʼe ʼe ui ʼe ko te Folafola ʼa Te ʼAtua?

• ʼI tau manatu la, ʼe feala koa hatatou tui neʼe fakaha e te ʼAtua ʼana manatu ki te tagata?

5. Neʼe lava puipui te Tohi-Tapu

ʼATA VITEO: Neʼe Maʼuhiga Kia Natou Ia Te Tohi-Tapu—Kogaʼi ʼAta (William Tyndale) (6:17)

• ʼI tau iloʼi ʼae neʼe faiga ʼihi ke natou puipui te Tohi-Tapu, kotea ʼe ina uga koe ke ke fai? Kotea tona tupuʼaga?

Lau ia Pesalemo 119:97, pea fai te fehuʼi ʼaeni:

• He koʼe neʼe taliʼia e te tokolahi ke natou mamate kae fakaliliu mo tufa te Tohi-Tapu?

6. Ko he tohi ʼe feala ke maʼu e te hahaʼi fuli

Ko te Tohi-Tapu ʼe ko te tohi ʼae ʼe lahi tona fakaliliu mo tona tufa ʼi te malamanei. Lau ia Gaue 10:34, 35, pea fai te ʼu fehuʼi ʼaeni:

• He koʼe ʼe loto e te ʼAtua ke fakaliliu mo tufa tana Folafola?

• Kotea ʼae ʼe ke leleiʼia ʼi te Tohi-Tapu?

MANATU TAFITO

Ko te Tohi-Tapu ʼe ko te Folafola ʼa te ʼAtua pea ʼe loto e te ʼAtua ke lau e te hahaʼi fuli.

Fehuʼi Fakamanatu

• Neʼe takitaki e te ʼAtua te tagata ke natou tohi te Tohi-Tapu, kotea tona fakaʼuhiga?

• ʼI te ʼu manatu ʼaeni neʼe ta vakaʼi ʼi te Tohi-Tapu, kotea ʼae neʼe malave kia koe?

• Neʼe fai e te ʼAtua ia meʼa fuli ke felogoi ai mo koe, kotea la ʼe ke logoʼi ʼi tau iloʼi te faʼahi ʼaia?

TE TAHI ʼU MANATU

Vakaʼi he tahi ʼu manatu ʼo ʼuhiga mo te hisitolia ʼo te Tohi-Tapu ʼi te ʼu takaiga tohi ʼafea mo ʼae neʼe fakaliliu ia ʼaho nei.

“Comment la Bible nous est parvenue” (Réveillez-vous !, novembre 2007)

Vakaʼi te faʼahiga puipui ʼo te Tohi-Tapu mai ia aluʼaga fakamataku ʼe tolu.

“Te Puipui ʼo Te Tohi-Tapu” (Ko Te Tule Leo N° 4 2016)

Vakaʼi ʼihi aluʼaga neʼe feala ke tuʼutamakiʼia ai te hahaʼi ʼi tanatou fakaliliu te Tohi-Tapu.

Neʼe Maʼuhiga Kia Natou Ia Te Tohi-Tapu (14:26)

Neʼe tuʼa lahi te hiki mo te fakaliliu ʼo te Tohi-Tapu. He koʼe ʼe ke tui neʼe mole fetogi te ʼu manatu ʼae ʼe tuʼu ʼi ai?

“Neʼe Fetogi Koa Te Tohi-Tapu Peʼe Neʼe Kakaʼi?” (Alatike ʼi te jw.org)