Kotea ʼAe ʼe Ui ʼi Te Tohi-Tapu?

ʼE ko he fakatuʼutuʼu fakatagata koa ia te lotu?

KO ʼIHI HAHAʼI ʼE NATOU TUI ko te lotu ʼe ko he fakatuʼutuʼu fakatagata. Pea ko ʼihi ʼe natou manatu ʼe fakaʼaogaʼi e te ʼAtua te lotu ke tou fakaovi ai kia te ia. Kotea la tau ia manatu?

ʼE UI ʼI TE TOHI-TAPU

ʼE ʼi ai “te lotu ae e maa mo hee mele ia mua o te Atua tatatou Tamai.” (Sakopo 1:27) Ko te lotu maʼa mo moʼoni ʼe haʼu mai te ʼAtua.

KOTEA ʼAE ʼE TOE UI ʼI TE TOHI-TAPU?

• Ke tou fakafiafiaʼi te loto ʼo Sehova, ʼe tonu ki he lotu ke ina fakatafito ʼana akonaki ki te ʼu moʼoni Fakatohi-tapu.—Soane 4:23, 24.

• Ko te ʼu lotu ʼae ʼe fakatafito ki he ʼu manatu fakatagata ʼe vaʼiganoa ia.—Maleko 7:7, 8.

ʼE maʼuhiga koa ke tou pipiki ki he lotu?

KOTEA TAU MANATU?

• ʼEi

• ʼOho

• Mahalo pe

ʼE UI ʼI TE TOHI-TAPU

“Ke tou fetokagaaki ia tatou ke ekenaki tatou ki te ofa pea mo te u gaue lelei. Ke aua naa tou siaki tatatou fakatahi.” (Hepeleo 10:24, 25) ʼE loto e te ʼAtua ke fakatahitahi ʼana kaugana ʼo fakahoko tanatou tauhi.

KOTEA ʼAE ʼE TOE UI ʼI TE TOHI-TAPU?

• Ko natou ʼae ʼe tauhi fakatahi ki te ʼAtua ʼe tonu ke natou logo tahi ʼi te tui.—1 Kolinito 1:10, 11.

• Ko te hahaʼi ʼa te ʼAtua ʼe natou faʼufaʼu he fale tau tehina ʼi te malamanei katoa.—1 Petelo 2:17.