Woy-Yàlla 94 (212)

Jëre-jëf Yeowa!

(1 Tesalonikk 5:18)

1. Jëre-jëf Yeowa, ndax yaa ñu wàcceel

Leer gu jafe; tus lañ’ ko dul wecceel.

Jaa-jëf ci li ñu am céru mën laa ñaan;

Di la jegeey tax, suñ’ tiis ñu mën’ daan.

2. Jëre-jëf Yeowa, ndax sa Doom jiy gor;

Am na ndam ci dee ak Ades, yiy lor.

Jaa-jëf ci sa njiitéef, bu ñu lay jaamu;

Noonu mën nañ’ fey dige, bi-ñ’ taamu.

3. Jëre-jëf Yeowa, ci suñuy mbokk;

Ànd yu baax, seen biir lañ’ koy fekk.

Jaa-jëf it ci mayug sa doole jiy jëf;

Moo ñuy dimbali ndax ñu bañ’ tërëf.

4. Jëre-jëf suñ’ Yàlla, ci céru xamle

Sa tur ak dëgg, gi ñuy jàngale.

Jaa-jëf ndax, léegi, musiba yép’ ne mes,

Ba barkey sa Nguur, ba fàw’, di fi des.