Kana mu lumela kuli bulapeli bwa mina ki bona bwa niti?

Ba ba nga bulapeli ku ba bwa butokwa, ba swanela ku nga kuli bulapeli bo ba ketile ki bona bwa amuhela Mulimu ni Jesu. Hakusicwalo, ne ba si ke ba ikenya mwa bulapeli bo.

Jesu Kreste naa sa lumeli taba ya kuli ku na ni bulapeli bo buñata ni linzila ze ñata, ili ze libisa kwa bupilo kaufelaa zona. Kono naa ize: “Munyako o ya kwa bupilo u kumbani ni mukwakwa wa teñi ki o musisani, mi ba ba u fumana ki ba sikai.” (Mateu 7:14) Lipaki za Jehova ba lumela kuli ba fumani mukwakwa wo. Hakusicwalo, ne ba ka bata bulapeli bu sili.