ĨHÖIWAROBO UBUMRODZÉ ON-LINE Roꞌmadöꞌöꞌwa te hã
ĨHÖIWAROBO UBUMRODZÉ ON-LINE
Roꞌmadöꞌöꞌwa
A'uwẽ mreme
ꞌ,ĩ̱,Ö...
  • ꞌ
  • ẽ
  • Ẽ
  • ĩ
  • Ĩ
  • ĩ̱
  • Ĩ̱
  • ö
  • Ö
  • BÍBLIA
  • ROMNHORÉDZÉ MONO
  • DATSIꞌRÃꞌÕTÕ NORĨ
  • g19 n.° 2 ĩwtn. 6-7
  • Dahöimana wapudzé dama rowẽdzé

Ĩropodo baba di ĩwaꞌõno ĩpitsutudzéb da hã.

Waꞌruiwapari tõ, ĩropodo tsadai õ di.

  • Dahöimana wapudzé dama rowẽdzé
  • Atsimidzaꞌretse! — 2019
  • Romnhoré nhitsi ĩtsyry
  • E MARĨ DAHÖIMANA WAPUDZÉ.
  • E MARĨ WA DAHÖIMANA WAPUDZÉ WẼ DI.
  • E NIHA TE DZA ĨROWAHU AIꞌRA MA HÖIMANA WAPU DA
Atsimidzaꞌretse! — 2019
g19 n.° 2 ĩwtn. 6-7
ꞌWatébrémi te time ropru ropru ubumrodzéb u

ROTI 2

DAHÖIMANA WAPUDZÉ DAMA ROWẼDZÉ

E MARĨ DAHÖIMANA WAPUDZÉ.

Niꞌwa ĩhöimana wapu te natsi dawadzé, tsiꞌmadöꞌö dzei õ di duré tsimipari õ di õhõ pire na tãma ꞌre dahöimana dzaꞌra mono da. Niꞌwa ĩhöimana wapu te te tsina tsi rotsaꞌrata õ di tadzahã, te daꞌãma rotsaꞌrata duré tãma wẽ di niꞌwa marĩ te te tãma rowahutu wamhã.

Niꞌwam norĩ te rotsaꞌrata dzaꞌra niꞌwa ĩhöimana wapu ĩtsibꞌuwa na. Tadzahã, tsena na tsiptete di. E marĩ wa. Niꞌwa ĩtsiptete da tsi tinhimiꞌupadzé duré marĩ te te ĩꞌmanharĩ waihuꞌu õ te te tsina waihuꞌu da.

E MARĨ WA DAHÖIMANA WAPUDZÉ WẼ DI.

  • Niꞌwa ĩhöimana wapu tsiwaihuꞌu ahö di. Ĩhöiwarobo Datsiꞌmadöꞌödzedzé Tiꞌai mono böa te tinha: “Ĩhöimana wapu norĩ rowẽ na te dame ꞌre höimana dzaꞌra duré tãma wapu dzaꞌra di daꞌãma datsiwaihuꞌu da.”

  • Niꞌwa ĩhöimana wapu dahöimanadzé ĩwẽ te dza tsina uwaimra. Aiꞌra höimana wapu wamhã, tãma rowẽ di dza ãhãna hã duré aptoꞌoré, ãma ĩtsimiré romhuri dzô rĩtĩ wamhã. Dr. Leonard Sax te tinha: “Ĩhöibaté tsiꞌmadöꞌödzei uptabi wamhã romhuri dzô te te dama robdzanhamri ré ãté te dza ãma rotsaꞌrata watsété ni. Tadzahã te te dawapari dzei wamhã danhipai u wapu di dza romhuri te te öri da.”b

E NIHA TE DZA ĨROWAHU AIꞌRA MA HÖIMANA WAPU DA

Pawapto na aiꞌra tipire na ꞌröwi te te tsiꞌãma ꞌre rotsaꞌrata mono tõ da.

BÍBLIA NHIMIROTI: ‘Niꞌwa hã pire na ꞌre höimana mono õ nherẽ, tipire na ꞌröwi te te tsiꞌãma ꞌre rotsaꞌrata mono wamhã, ta hã te dza ꞌröwi tsiꞌãma rotsaꞌrata upa.’ — Gálatas 6:3.

  • Ãma pibui petse rotsaꞌrata upa aiꞌra ma tsõmri tõ da. Niꞌwam norĩ te nharĩ dzaꞌra tiꞌra norĩ ma hã: “Uburé atsima ĩwẽdzé hã te dza atsina ĩꞌuwaimra” duré “Tsada hã atsiꞌmanharĩ da tsiꞌwaru atsima ĩwẽdzéb dzarina.” Rotsaꞌrata norĩ ãté wẽ di tadzahã dahöimanadzé ãnei õ di. Danhipai u wapu di dza aiꞌra ma tãma rowẽ da marĩ tihöimanadzém na te te ãma ĩꞌuwaimrami waihuꞌu pe duré tsô tsiwatsutu wamhã.

  • Udzei petse aiꞌra te te ĩꞌmanharĩdzé. Aiꞌra höimana wapu da taré natsi ãma aiwata uꞌötsi tõ. Taha waꞌrãmimhã, natsi udzei petse aiꞌra te te ĩꞌmanharĩdzé hã.

  • Tãma tsaꞌré tõ rowaꞌuꞌure na tsi höimana hö da. Rowaꞌuꞌure na te natsi dama tatsitsaꞌẽtẽ dzaꞌra ni. Tahã dahöimana wapudzéb õ di.

  • Roti na aiꞌra ma dama tsiꞌruiwapari da te te ãma upai wamhã. Aiꞌra te te ãma upai wamhã, tãma roti na tinhimiꞌupadzé te te tsina waihuꞌu da duré dama tsiꞌruiwapari tsuꞌu da.

Rowahutu aiꞌra ma te te tsima ãma rowẽ da danhoprubdzém na.

BÍBLIA NHIMIROTI: “Ãma atsima ꞌre rowẽ dzaꞌra waꞌaba mono” — Colossenses 3:15, TNM.

  • Rowahutu aiꞌra ma te te tsima rowẽ da Ropotoꞌwa nhimiropoto na. Aiꞌuté norĩ te te ĩrobꞌmadöꞌö dzaꞌra da tsi Ropotoꞌwa nhimiropodo duré te te ĩwaihuꞌu dzaꞌra da tsi ta norĩ dzô wawi ĩrowaptöꞌö na hã wahöimanadzéb da. Te wawi tsô tirowaptöꞌö dzaꞌra rowaꞌuꞌu dzô wapẽꞌẽ dzani dzaꞌra da, ö wa te öhuri da duré datsa watsaihuri da. Ta norĩ dzarina pawapto na aiꞌra pire na te te rotsaꞌrata da Ropotoꞌwai ãma duré te te ĩropotodzém na duré te te ãma tsima rowẽ da.

  • Rowahutu aiꞌra ma dapire na te te daꞌãma rotsaꞌrata da. Pore puꞌu aiꞌra ma niꞌwa ĩtsipai u marĩ na ꞌre ĩhöimana mono na. Tawamhã daꞌãma tsõꞌru waꞌrãmimhã, tsada hã daꞌãma tobꞌudzu da duré dahawi te te waihuꞌu da.

  • Rowahutu aiꞌra ma te te höiꞌré da te te tsima ĩrowẽ na hã da te ĩꞌmanharĩdzém na. Rowahutu aiꞌra ma röwi tipẽꞌẽ na te te dama heparĩ da marĩ da te tãma ꞌmanharĩ wamhã, mare di taré tãma ꞌrudzahi wa. Niꞌwa te te natsi dama ĩhepãrĩ dze höimana wapu na te dza ꞌre höimana.

Rowahutu aiꞌra te te dapawaptob da.

BÍBLIA NHIMIROTI: ‘Tadzahã, atsiꞌmadöꞌö dzei ãna dama ꞌre aihöimana dzaꞌra waꞌaba mono. Duré atsiꞌupana dapire na ꞌre daꞌmadöꞌö dzaꞌra waꞌaba mono. Niꞌwa hã marĩ te te tsima ꞌre ĩwẽ mono dzô tsi, tsima tsi ꞌre rĩtĩ mono tõ. Tadzahã, dama dzama duré ꞌre rĩtĩ mono.’ — Filipenses 2:3, 4.

  • Roti na aiꞌra ma ꞌri ꞌmadöꞌö na te te romhuri da. Niwa ꞌrui õ wamhã aiꞌra ma ꞌri ꞌmadöꞌö na te te romhuri da, ãté te dza tsina rotsaꞌrata upa te te ĩromhuri tõ da na hã dama pire newa. Te te ĩwaihuꞌu da tsi romhuri hã ĩmorĩꞌrata uptabi na hã dato nhipai u. Taha wa, ĩmorĩꞌrata na ꞌri ꞌmadöꞌö na te te ĩpawaptob da tsi, taha parip tsi to da. Ãma tãma rowatsuꞌu na aihĩnĩ norĩ ma ꞌri ꞌremhã ĩrowẽ na hã te te pawapto wamhã, taha wa, te dza ãma datsima robdze dzaꞌra ni duré te dza wadzéb dzaꞌra ni ãne te te ꞌmanharĩ wamhã.

  • Rowahutu aiꞌra ma dapawapto marĩ ĩwẽ uptabi na. Aiꞌuté te te ĩdapawapto hã te dza tiprédu wẽ. Taha wa, pawapto na aiꞌra te te rotsaꞌrata da niꞌwa ĩpawaptobdzéb dzô tsô ĩrowaptöꞌö na hã duré marĩ te te tãma ĩꞌmanharĩ da na hã. Udzei petse aiꞌra hã duré upari te te dama ĩꞌmanharĩdzém na hã.

a Ĩhöiwarobo nhitsi inglês mreme na: The Narcissism Epidemic

b Ĩhöiwarobo nhitsi inglês mreme na: The Collapse of Parenting.

ꞌWatébrémi te time ropru ropru ubumrodzéb u

ÃMA TSÃNAꞌRATA AWAꞌAWI

Niꞌwa dzahadu aiꞌuté ré te te ĩdapawapto ꞌri ãma hã, tãma danhipai u wapu di dza te te dame romhuri wẽ da prédu wamhã

Atsitsanhodzém na rowahutu

  • E wa tinha ĩ̱ꞌra norĩ ma nimahã na hã danhimipawaptobdzé hã duré ĩ̱wi tsô ĩrowaptöꞌö na hã.

  • E wa natsi daꞌãma rowatsuꞌu wẽ. E ĩ̱ꞌra norĩ hã te ĩ̱ꞌmadöꞌö dzaꞌra te daꞌãma ĩrowatsuꞌu watsété na hã.

  • E ĩ̱ꞌra norĩ hã te ꞌmadöꞌö dzaꞌra wa hã te ĩdapawaptob dze na hã.

Damama duré dana nhimiroti

“Waꞌra tsipiꞌõ ma tô wama watsuꞌu ĩtsiré romnhoréꞌwa dama ĩhöimana watsété na hã duré niꞌwai ma ĩwẽꞌõ na hã. Wa tãma tinha ãté ĩtsiré romnhoréꞌwai ma ropire ĩhöimana na hã ĩtsõrõwa ãma. Niꞌwam norĩ ma hã ropire di ꞌri ãma. Taha dzarina, ĩ̱ꞌra ma tô tsina waihuꞌu danhipai u ĩhöimana na hã.” — Karen.

“Wa roti ni waꞌra tsipiꞌõ norĩ ma hã tsimiꞌẽ na te te romnhoré dzaꞌra da duré te te tsina ꞌmadöꞌö dzaꞌra tõ titsiré romnhoréꞌwa norĩ ãma. Wa te duré daꞌãma tsina ꞌmadöꞌö dzaꞌra õ di.” — Marianna.

    Ĩhöiwarobo mono aꞌuwẽ mreme na (2008-2025)
    Watobrodzé
    Tsébrédzé
    • A'uwẽ mreme
    • Tsatõrĩ da
    • Datsima Ĩwẽdzé
    • Copyright © 2025 Watch Tower Bible and Tract Society of Pennsylvania
    • Site Nhimiroti
    • Datsitsihödö Ĩꞌrudzahi
    • Ĩ̱nhimipitsudu Privacidade na
    • JW.ORG
    • Tsébrédzé
    Tsatõrĩ da