Iintlanganiso Zokusinceda Senze Abafundi
IVEKI EQALA NGOAPRILI 1
15 imiz: Izaziso zasekuhlaleni neZaziso ezikhethiweyo kuBulungiseleli Bethu BoBukumkani mazinikelwe ngumveleli wenkonzo. Xubusha ngeembalasane zeSikhumbuzo, inani labatsha ababekho, noko kunokwenziwa kule veki ukubakhuthaza ukuba babekho kwintetho ekhethekileyo ethi “Ubukho BukaMesiya Nolawulo Lwakhe,” ngoAprili 7. Hlolisisa amalungiselelo enkonzo yasentsimini osuku olukhethekileyo lwamaphephancwadi ngoAprili 6. Ukuba ibandla lenu linendibano yesiphaluka okanye indibano ekhethekileyo yosuku olunye ngoAprili 6, nifanele nenze amalungiselelo okuba nosuku olukhethekileyo lwamaphephancwadi ngoAprili 13. Yazisa ibandla ngenani loovulindlela babancedani ngoAprili. Khuthaza abo bangengabo oovulindlela ukuba baxhase oovulindlela babancedani. Hlolisisa ngokufutshane nebandla imiyalelo ethi Indlela Yokusingatha Imirhumo Kakuhle (S-11).
15 imiz: “Ukufeza Ubulungiseleli Bethu BoBukumkani Ebandleni.” Intetho enomboniso olungiselelwe kakuhle womqhubi wesifundo sencwadi ecacisela isibini esitshatileyo ngendlela i-Index esenokusetyenziswa ngayo ukufumana inkcazelo ngezizathu neemeko oodade abafanele bathwale kuzo entloko. Ukuba i-Index ayikho, zibonise ezi ngongoma ngokusebenzisa iimbekiselo zemibandela zaminyaka le kwiinkupho zeMboniselo kaDisemba 15 nezikaDisemba 8 kuVukani!
15 imiz: Umxholo Wencoko omtsha. Xubusha ngoMxholo omtsha nabaphulaphuli. Kwakhona, qwalasela iingongoma ezahlukahlukeneyo ekunokuthethwa ngazo ngokusuka kwinkupho yakutshanje yeMboniselo. Yiba nomvakalisi olungiselele kakuhle esenza lo mboniso ulandelayo. “Molo. Igama lam ngu______. Ndikutyelele ngokufutshane kuba ndinombuzo endingathanda ukukubuza wona. Ngaba ucinga ukuba uxolo oluhlala luhleli luya kubakho kweli xesha lethu? [Vumela impendulo.] Ukuba sikhangela kwixesha elidluleyo, ithemba libonakala limfiliba. Kodwa phawula oko kwaprofetwayo ngexesha lethu kuLuka 21. [Funda indinyana 10, 11, 26.] Ezi meko ziye zathabath’ unyawo ukususela kwiMfazwe Yehlabathi 1. Noko ke, asishiywanga nje singenathemba. Kwaezi meko zixhalabisa uluntu zibubungqina bokuba kungekudala uBukumkani bukaThixo buza kuwucoca umhlaba buze buzise uxolo oluhlala luhleli. Oku koko uYesu akuthethayo kwindinyana 28 neyama-31. [Zifunde ezi ndinyana.] Ngoko ezi meko zixhomis’ amehlo nezidimazayo ngokwenene zibubungqina bokuba kungentsuku zatywala kuza kubakho iinguqulelo ezimangalisayo. Ngaba oko akuzondaba zilungileyo? [Vumela impendulo.] Eli nqaku likule Mboniselo [khetha isiqendu okanye umfanekiso ofanelekileyo] libonisa ezinye zeenguqulelo eziya kubakho kwakamsinya nendlela wena nentsapho yakho enisenokuzinandipha ngayo.” Nikela umrhumo ngomnikelo wee-R16,00. Xa umrhumo ungamkelwa, nikela amaphephancwadi amabini ngomnikelo we-R1,40. Kwakhona, lo mvakalisi usenokukhankanya inani leelwimi la maphephancwadi apapashwa ngazo nomlinganiselo wazwenibanzi esiwenza ngawo lo msebenzi. Yiqukumbele le nxalenye ngokubakhuthaza bonke ukuba bawusebenzise uMxholo Wencoko omtsha.
Ingoma 60 nomthandazo wokuqukumbela.
IVEKI EQALA NGOAPRILI 8
5 imiz: Izaziso zasekuhlaleni neeNdaba Ezingokobuthixo.
15 imiz: “Ukunikela Iindaba Ezilungileyo—Ngokunempumelelo Ngakumbi Ngokuphulaphula.” Ukuxutyushwa kombandela ngemibuzo neempendulo. Xa uqwalasela isiqendu 4, yenza umboniso ngendlela umvakalisi aphulukana ngayo nethuba elihle lokuba nencoko efudumeleyo ngokungakuphapheli oko kuthethwa ngumninimzi okungumbandela wobuqu omxhalabisayo. Buza kubaphulaphuli ngendlela ebekumele ukuba kusingathwe ngayo oku. Emva koko, mawuphindwe lo mboniso kwangulo mvakalisi ukwamnye, kodwa ngesi sihlandlo ebonisa indlela echanileyo ekufanele kwenziwe ngayo ngokuvusa incoko entle nomninimzi.
25 imiz: “Ukuvuna Ngokulingana Nomgudu Wethu Wobuqu.” Intetho nengxubusho esekelwe kwinqaku lesihlomelo. Ifanele isingathwe ngumdala. Wenze umbandela ufanelane nemeko yasekuhlaleni. Iziqendu nezibhalo ezicatshuliweyo zisenokufundwa ngokuvuma kwexesha.
Ingoma 128 nomthandazo wokuqukumbela.
IVEKI EQALA NGOAPRILI 15
10 imiz: Izaziso zasekuhlaleni nengxelo yemali. Quka amagqabaza oMbutho oxabiso ngenkxaso engokwemali kumsebenzi wazwenibanzi. Bancome abazalwana ngokuzixhasa ngezandla ezingenamkhinkqi iintswelo zebandla lasekuhlaleni. Khuthaza ngamnye ukuba abe nenxaxheba ngokuzeleyo kwimisebenzi ekhethekileyo yangoAprili. Sizimisele ukufikelela ngaphaya kwencopho yabavakalisi abangama-50 000.
15 imiz: “Ukukhuthaza Abanye Ukuba Bafunde IMboniselo.” Intetho ekhuthazayo elandelwa ngamagqabaza amafutshane nalungiselelweyo abavakalisi ababini okanye abathathu bechaza izizathu zokuba beyixabisa IMboniselo nendlela abaye bangenelwa ngayo ngokuyifunda rhoqo.
20 imiz: “Ukuqalisa Nokuqukumbela Iintlanganiso Ngexesha.” Ingxubusho yemibuzo neempendulo. Mazifundwe zonke iziqendu.
Ingoma 8 nomthandazo wokuqukumbela.
IVEKI EQALA NGOAPRILI 22
10 imiz: Izaziso zasekuhlaleni. Hlolisisa amalungiselelo okucoca iHolo yoBukumkani. Bancede abazalwana bayiqonde imfuneko yokuba nentsebenziswano ekugcineni indawo kaYehova yonqulo icocekile.—Ukuze ufumane inkcazelo engakumbi bona inqaku elithi “Ngaba Nibonisa Intlonelo NgeHolo Yenu YoBukumkani?” elikwiphepha 7 loBulungiseleli Bethu BoBukumkani buka-Agasti 1989.
15 imiz: “Ukuzisebenzisa Kakuhle Iimpapasho Zethu.” Mayigutyungelwe ngemibuzo neempendulo. Yiba nomboniso omnye okanye emibini emifutshane ebonisa indlela umvakalisi akufumanisa ngayo oko kumfaneleyo umninimzi ngaphambi kokunikela uncwadi olufanelekileyo.
10 imiz: Umsebenzi Wabalindi. Dlan’ indlebe nomzalwana owongamela abalindi. Xubusha ngemisebenzi yabo nangendlela ibandla elinokusebenzisana ngayo nabalindi. (Bona incwadi ethi Ukulungelelaniselwa Ukufeza Ubulungiseleli Bethu, iphepha 63-4, noBulungiseleli Bethu BoBukumkani, bukaDisemba 1989, iphepha 3.) Khankanya ukuba maxa wambi abalindi basenokubazisa abazali ngemfuneko yokujonga abantwana babo bangabi sisiphazamiso. Kwakhona abalindi baqinisekisa ukuba abantu bahleli kakuhle yaye kukho ucwangco kwiintlanganiso zethu, babala abo bakhoyo, bancede abakhulileyo nabaneziphene ukuba bafumane iindawo zokuhlala, njalo njalo.
10 imiz: Ukusebenzisa Amaphecana Kubulungiseleli. Bonisa abazalwana amaphecana awahlukeneyo akhoyo, uze uxubushe ngeendlela ezahlukeneyo anokusetyenziswa ngazo. Vumela abaphulaphuli bagqabaze ngendlela abawasebenzisa ngayo amaphecana mhlawumbi baze babalise namava abaye banawo. NgoJanuwari sixubushe ngendlela amaphecana anokusetyenziswa ngayo ekuqaliseni izifundo. Yiba nabathile ababalisa amava ngokuphathelele umphumo abaye banawo kulo mba. Bona kwaneIndex kumxholo othi “Tracts” ukuze ufumane amanye amava angokuwasebenzisa.
Ingoma 181 nomthandazo wokuqukumbela.
IVEKI EQALA NGOAPRILI 29
5 imiz: Izaziso zasekuhlaleni. Bakhuthaze bonke ukuba bangenise iingxelo zabo zenkonzo yasentsimini nezezifundo zeBhayibhile kwangethuba.
15 imiz: Ukulisebenzisa Ngokulungeleleneyo Ixesha Ongasebenziyo Ngalo. Dlan’ indlebe neqela lolutsha ngokuphathelele ixesha elingenzi nto ngalo. Sebenzisa umbandela okwincwadi ethi Abantu Abaselula Bayabuza, isahluko 35 ukusa kwesama-37. Umzalwana oqhuba udliwano-ndlebe usenokubuza: Kutheni kufuneka ukukhethe oko ukufundayo? Unokuwukhetha njani umbandela ofanelekileyo wokufunda? Ziziphi ezinye izinto ezisenokuba yingozi ekubukeleni umabonwakude, yaye unokuzilawula njani ekumbukeleni? Kutheni kungekho nto ikulahlekelayo ngokungaxelisi kwakho ulutsha lwehlabathi? Kutheni ukuluxelisa kunokuba yingozi? Ziziphi iindlela zokuzihlaziya okucocekileyo ozifumanise zinandipheka? Kutheni kufuneka sibe ngabalungeleleneyo kule nkalo?
15 imiz: Ukushumayela Kwindlu Ngendlu. Intetho enehlombe nekhuthazayo ngokusuka kwincwadi ethi Ukulungelelaniselwa Ukufeza Ubulungiseleli Bethu, iphepha 84-7. Yenze ifanelane neemeko zasekuhlaleni, ugxininisa kumalungiselelo ebandla okunikela ubungqina njengeqela kwindlu ngendlu. Balaselisa ukubaluleka kokuqeqesha abavakalisi abasebatsha ukuze babe nempumelelo kubulungiseleli bendlu ngendlu.
10 imiz: Iimfuno zasekuhlaleni okanye intetho ethi “Ekugqibeleni Urhulumente Ogqibeleleyo!” kwiphepha 25-9 likaVukani! kaJanuwari 8, 1991.
Ingoma 12 nomthandazo wokuqukumbela.