Iintlanganiso Zenkonzo Ka-Agasti
Iveki Eqala NgoAgasti 3
10 imiz: Izaziso zasekuhlaleni neZaziso ezikhethiweyo ezikuBulungiseleli Bethu BoBukumkani. Xubusha imibandela ekunokuthethwa ngayo kumaphephancwadi angoku. Khuthaza bonke ukuba babe nesabelo kwinkonzo yasentsimini kule mpelaveki, kuquka nasekuhambiseni amaphephancwadi. UAgasti yinyanga yokugqibela yonyaka wenkonzo. Khuthaza bonke abavakalisi ukuba babe nesabelo kubulungiseleli veki nganye baze bafake ingxelo yabo ngokukhawuleza ekupheleni kuka-Agasti. Ngaba sonke singasebenzela ukufikelela incopho entsha yabavakalisi ngoAgasti?
15 imiz: “Iintshayelelo Zokuvusa Umdla.” Ukuqwalaselwa kwenqaku ngemibuzo neempendulo. Yenza umboniso ngeengongoma ezandlalwe kwisiqendu 5.
20 imiz: “Inyathelo Elifanelekileyo Elikhokelela Kwinkqubela Engakumbi.” Yandlala iziqendu ezibini zokuqala zesihlomelo njengentetho. Gubungela inxalenye eseleyo yenqaku ngemibuzo neempendulo. Bethelela iingongoma ezinokusetyenziswa ekuhlaleni. Qukumbela ngoshwankathelo olufutshane.
Ingoma 155 nomthandazo wokuqukumbela.
Iveki Eqala NgoAgasti 10
10 imiz: Izazisozasekuhlaleni, kuquka nengxelo yemali nemibulelo ngeminikelo. Lincome ibandla ngokuxhasa ngemali umsebenzi webandla lenu, kwanomsebenzi woMbutho wehlabathi lonke.
20 imiz: Ukukhulisa Umdla Kumabuyelo. Ingxubusho ngumveleli wenkonzo. Abaninzi bayakunandipha ukuthetha nabantu baze bashiye uncwadi. (omXO iphe. 87-8) Imbopheleleko yethu iquka ukuhlakulela umdla ezintliziyweni zabo sithetha nabo. Yenza umboniso omfutshane ongendlela iphecana elinokusetyenziswa ngayo ukwakha umdla kwibuyelo apho kungazange kushiywe khona uncwadi ngaphambili. Balaselisa ingongoma enye okanye ezimbini. Yenza umboniso omfutshane obonisa indlela ekwanokusetyenziswa ngayo inkcazelo efumaneka kwisalathiso sencwadi Ukuqiqa. Gxininisa iingongoma ezichanileyo nezingqalileyo ezivelisiweyo kuloo ncwadi ezinokusetyenziswa ukuze kwakhiwe umdla eBhayibhileni. Bonisa indlela yokulunglselela amatyelelo angakumbi.
15 imiz: “IBhabhiloni Enkulu.” Ingxubusho yencwadi Ukuqiqa, iphepha 61-5. Umboniso: Umvakalisi uxubusha nomntu afundisisa naye iBhayibhile ngenkqubela yakhe. Ubethelela imfuneko yokujongwa nguYehova njengongcwele, ofanelwe luncedo nayintsikelelo Yakhe. (1 Pet. 1:15,16) Bethelela ukubaluleka kokusaba ngoku kwiBhabhiloni nokunxulumana nentlangano kaYehova engcwele. Usihlalo uqukumbela ngokukhuthaza abazalwana ukuba basebenzise iimpapasho ukuze balathisele abantu abafunda nabo entlanganweni baze balusebenzise kakuhle uncedo olunikelwa ngabadala.
Ingoma 129 nomthandazo wokuqukumbela.
Iveki Eqala NgoAgasti 17
15 imiz: Izaziso zasekuhlaleni. IiNdaba Ezingokobuthixo. Ukuxutyushwa kwenqaku elithi “Ukuhlala Sinengqondo Ephilileyo Nangobulungisa.” Khuthaza abazalwana ukuba bacebe kwangaphambili ukubakho kucwangciso lwendibano ekhethekileyo yosuku olunye ebudeni bonyaka wenkonzo we-1993. Yazisa ngomhla nendawo ukuba niyakwazi oko. Kwakhona, bakhuthaze ukuba babe nenxaxheba kumsebenzi wasentsimini ngempelaveki.
20 imiz: “Ucelomngeni Lokwenza Amabuyelo.” Imibuzo neempendulo. Emva kokuqwalasela isiqendu 5 nesesi-6, yiba nemiboniso emibini. (1) Bonisa indlela iphecana elinokusetyenziswa ngayo ukuqalisa isitundo seBhayibhile. (2) Khetha umbandela okwincwadi Ukuqiqa uze ubo-nise indlela onokusetyenziswa ngayo uku-phendula umbuzo xa ubuyela. Balaselisa ukubaluleka kokuqhelisela kusengapha-mbili. Khuthaza ukubuyela kubo bonke abanomdla.
10 imiz: Ingxubusho yenqakuelithi “Uyakhumbula Na?” kwiMboniseto ka-Aprill 15, 1992. Khuthaza bonke ukuba babe nocwangciso oluhle lokufunda amaphephancwadi. Nikela amacebiso asebenzisekayo.
Ingoma 130 nomthandazo wokuqukumbela.
Iveki Eqala NgoAgasti 24
5 imiz: Izaziso zasekuhlaleni.
15 imiz: “Ukusebenza Ngokuphumelelayo Kwindlu Ngendlu.” Ingxubusho yemibuzo neempendulo. Khuthaza ubuvulindlela bobuncedani ngoSeptemba. Khankanya ingongoma yokuba abo ngokuqhelekileyo bangoovulindlela abangabancedani baqhubeke besebenza ngomlinganiselo ophakamileyo kwiinyanga ezilandelayo.
15 imiz: Xubusha umbandela othi “UmChasi-Kristu” kwincwadi Ukuqiqa, iphepha 98-9. Uchazwa njani “umchasi-Kristu”? Ngaba mnye kuphela, okanye ngaba kukho abangakumbi? Wabonakala nini umchasi-Kristu, ibe ngubani onokuchazwa njengaye? Umboniso omfutshane womvakalisi ebuyela umhambi wecawa oye walunyukiswa ngamaNgqina kaYehova.
10 imiz: “Ukusebenzisa Incwadi Umntu Obalaseleyo Kumabuyelo.” Xubusha ngokufutshane iingongoma ezikwiziqendu zokuqala ezibini. Wandule ke ube nomboniso wokwenziwa kwebuyelo kusetyenziswa intshayelelo engqalileyo ukuze kuqaliswe isifundo seBhayibhile.
Ingoma 126 nomthandazo wokuquku-mbela.
Iveki Eqala NgoAgasti 31
5 imiz: Izaziso zasekuhlalenl. 15 imiz: Ngaba Wenza Inkqubela NgokO moya? Ingxubusho ngumdala. Ngaba abo basebandlenl baye baflkelela usukelo oli thile ebudeni bonyaka wenkonzo odlulileyo? Ukuba akunjalo, kutheni? Cebisa ngezinto abanokuzibekela usukelo kuzo. Kufuneka senze inkqubela ukuze silondoloze ubumoya bethu. (Fil. 3:16) Umboniso omfutshane wentsapho, ebudeni besifundo sentsapho, behlolisisa ubulungiseleli babo ukuze babone apho banokwenza khona inkqubela ngokomoya.
10 imiz: Umdala ofanelekayo unikela ingxelo ngomsebenzi owenziwe kumhlaba ongabelwanga bani. Dlan’ indlebe nabavakalisi abathile baze babalise amava athile abaye bawafumana kwinyanga yokuqala yohlaselo. Yazisa ibandla ngamalungiselelo angoSeptemba uze ubakhuthaze bonke ukuba babe nesabelo ubuncinane kanye kuloo nyanga. Abadala bakhuthazwa ukuba balungiselele ukunikela intetho yesidlangalala kumhlaba ongabelwanga bani xa oko kunokwenzeka. Zamani ukuhamba nesithethi sasesidlangalaleni esikwaziyo ukunikela intetho ngolwimi lwabo baya kube bephulaphule. Ukuba ibandla aliwusebenzi umhlaba ongabelwanga bani kunokuqwalaselwa iimfuno zasekuhlaleni
15 imiz: Balaselisa incwadi Unokuphila Ngonaphakade ngoSeptemba. Intetho nomboniso. Xubusha iingongoma ekunothethwa ngazo nemizekeliso enokubalaseliswa ekunikeleni incwadi Unokuphila Ngonaphakade. Kunokusetyenziswa iingongoma ezikwincwadi Ukuqiqa kumxholo othi “Ubungendawo“ apho zisebenziseka khona. Mhlawumbi umbandela okwisahluko 11 nese-19 kumxholo othi “Kungani UThixo Evumele Ubungendawo?” nothi “Emva KweArmagedon, Ngumhlaba Oyi-paradisi” uya kubangel’ umdla kumninimzi. Yiba nomvakalisi ofanelekayo ebonisa indlela yokunikela le ncwadi, esebenzisa IMizekeliso 2:21,22 nemifanekiso ekwiphepha 156-8, 161 nele-162, ebalaselisa ukuba isizathu santlandlolo sokudala kukaThixo umhlaba siya kuzalisekiswa kungekudala.
Ingoma 109 nomthandazo wokuqukumbela.