Impinda Yesikolo Sobulungiseleli Sobuthixo
Le mibuzo ilandelayo iza kuxutyushwa kwiSikolo Sobulungiseleli Sobuthixo seveki eqala ngoFebruwari 24, 2003. Umveleli wesikolo uya kuqhuba impinda ethabatha imizuzu engama-30 esekelwe kumbandela ogutyungelwe kwizabelo ezisusela kwiveki kaJanuwari 6 ukusa kwekaFebruwari 24, 2003. [Phawula: Apho kungekho mbekiselo emva kombuzo, kuya kufuneka uzenzele olwakho uphando ukuze ufumane iimpendulo.—Bona incwadi yeSikolo Sobulungiseleli, iphe. 36-7.]
UPHAWU LWENTETHO
1. Yinyaniso okanye Bubuxoki: Undoqo wokufunda ngendlela echanileyo kukuqiniseka ukuba loo nto ifundwayo ivakala ichanile, kwanokuba yahlukile kancinane koko kubhaliweyo. Cacisa. [be-XO iphe. 83]
2. Zalisa Izikhewu: Ukuze afunde ngendlela echanileyo, ubani umele ․․․․․․․․, ․․․․․․․․, ․․․․․․․․ kwaye aqhelisele ngokuvakalayo. [be-XO iphe. 85]
3. Kutheni kubalulekile ukuphimisela amagama kakuhle? (1 Kor. 14:8, 9) [be-XO iphe. 86]
4. Yintoni enokwenza umntu angavakali xa ethetha, yaye yintoni esinokuyenza ukuze sithethe ngendlela evakalayo? [be-XO iphe. 87-8]
5. Ngawaphi amanye amagama asetyenziswe kwiSikolo Sobulungiseleli Sobuthixo kwiinyanga ezimbini ezidluleyo ovakalelwa kukuba kufuneka uqhelisele ukuwabiza kakuhle? [be-XO iphe. 92]
ISABELO 1
6. Yinyaniso okanye Bubuxoki: Amehlo ethu anokusinceda siphulaphule. Cacisa. [be-XO iphe. 14]
7. Zalisa izikhewu: U․․․․․․․․, i․․․․․․․․, ne․․․․․․․․ zonke zizinto ezimiselwe nguThixo zokubonisa ixesha. [si-XO iphe. 279 isiqe. 7]
8. Zalisa izikhewu: EBhayibhileni igama elithi “imini” linokubhekisela kwiiyure ezili-․․․․․․․․, kwiiyure ezingama-․․․․․․․․, kwiminyaka eli-․․․․․․․․, okanye ․․․․․․․․, umongo ubonisa ingqiqo elisetyenziswa ngayo eli gama. [si-XO iphe. 279 isiqe. 8]
9. Umzekelo kaHana, uMarko noEliya unokusinceda njani sihlangabezane nokudimazeka? Sinokuyisebenzisa njani le mizekelo ukuze sincede abanye? [w01-XO 2/1 iphe. 20-3]
10. Ukuqonda imidlalo yamandulo kusinceda njani siqonde iindinyana ezithile zeBhayibhile? Le nkcazelo ifanele ibuchaphazele njani ubomi bethu? [w01-XO 1/1 iphe. 28-31]
UFUNDO LWEBHAYIBHILE LWEEVEKI NGEEVEKI
11. Yinyaniso okanye Bubuxoki: Ekubeni uBukumkani bukaThixo bamiselwa ezulwini ngowe-1914, akuseyomfuneko ukuba sithandaze sisithi, “Mabufike ubukumkani bakho.” (Mat. 6:10) Cacisa. [be-XO iphe. 279; w96-XO 6/1 iphe. 31]
12. Yinyaniso okanye Bubuxoki: Amazwi kaYesu abhalwe kuMateyu 11:24 athetha ukuba abo uYehova wabatshabalalisa eSodom naseGomora baya kuvuswa. Cacisa.
13. Khetha impendulo echanileyo: Ikhoboka elithembekileyo neliyingqondi elikhankanywe nguYesu kuMateyu 24:45-47 (a) LiQumrhu Elilawulayo lamaNgqina kaYehova; (b) ngawo onke amaKristu athanjisiweyo njengeqela elisemhlabeni ngalo naliphi na ixesha; (c) UYesu Kristu ngokwakhe. Eli khoboka lilungiselela ‘abendlu’ ukutya kokomoya ngexesha elifanelekileyo abamela (a) abathanjisiweyo njengabantu ngabanye; (b) ezinye izimvu; (c) bonke abo bafunda iimpapasho zamaKristu. INkosi yamisela ikhoboka kuyo yonke impahla yayo (a) ngowe-1914; (b) ngowama-33 C.E.; (c) ngowe-1919.
14. Khetha impendulo echanileyo: Umnatha ekuthethwa ngawo kumzekeliso kaYesu okuMateyu 13:47-50 uquka ibandla lamaKristu athanjisiweyo kunye (a) noBukumkani bukaThixo obungoMesiya; (b) namaqabane awo ezinye izimvu; (c) neNgqobhoko.
15. Ngokutsho kwamazwi kaYesu akuMateyu 5:24, ufanele wenze ntoni xa uvakalelwa kukuba ukhubekise elinye ikholwa? [g96-XO 2/8 iphe. 26-7]