Khuthazanani Kwimisebenzi Emihle Ngenzondelelo

AmaHebhere 10:24 asikhuthaza ukuba ‘sinyamekelane, sivuselelane eluthandweni nasemisebenzini emihle.’ Sinokubakhuthaza abazalwana bethu ngamazwi abonis’ ukholo nangokuba ngumzekelo. Balisela abanye ebandleni amava amnandi owafumeneyo. Mabalubone uvuyo onalo lokuba ukhonza uYehova. Kwangaxeshanye, kuphephe ukubathelekisa nawe okanye nabanye. (Gal. 6:4) Zimisele ukukhuthaza abanye “eluthandweni nasemisebenzini emihle,” ungabenzi bazive benetyala. (Funda incwadi yeSikolo Sobulungiseleli iphe. 158, isiqe. 4.) Ukuba sikhuthazana eluthandweni, imisebenzi—equka ukwenzela abanye izinto ezintle okanye ukushumayela—iya kulandela.—2 Kor. 1:24.