UKWEMBA UBUNCWANE OBUSEBHAYIBHILENI | MARKO 3-4
Ukuphilisa NgeSabatha
Kwakutheni ukuze uYesu abe buhlungu yindlela ezazisenza ngayo iinkokeli zonqulo zakwaYuda? Kungenxa yokuba zaziwenza nzima umthetho weSabatha ngokongeza imithetho emininzi engabalulekanga. Ngokomzekelo, zazisithi kwakungavumelekanga ukubulala isinambuzane ngeSabatha. Zazisithi ukuphilisa kuvumeleke kuphela xa ubomi bomntu busengozini. Loo nto yayithetha ukuba umntu owaphukileyo okanye okrunekileyo wayengamele aphiliswe ngeSabatha. Kucacile ukuba ezi nkokeli zazingayikhathalelanga le ndoda yayome isandla.