Hlala Uthembekile KuYehova Njengoko Isiphelo Sisondela

KUTHENI KUBALULEKILE: Sele kuza kwenzeka izinto ezothusayo, eziza kuvavanya ukuba sinesibindi kangakanani, ibe simthembe nyhani na uYehova. Ixesha lentlungu engathethekiyo liza kuqalisa xa kutshatyalaliswa iicawa zobuxoki. (Mat 24:21; ISi 17:16, 17) Ngelo xesha, mhlawumbi siza kushumayela ngomgwebo. (ISi 16:21) Siza kuhlaselwa nguGogi wakwaMagogi. (Hez 38:10-12, 14-16) Xa kusenzeka le nto, uYehova uza kuqalisa imfazwe “yemini enkulu kaThixo uSomandla.” (ISi 16:14, 16) Ukuze sibe nesibindi sokumelana nezinto eziza kwenzeka, simele sihlale sithembekile kwangoku xa ukholo lwethu luvavanywa.

INDLELA YOKUYENZA LE NTO:

• Yiba nesibindi, uphile ngemithetho kaYehova.​—Isa 5:20

• Qhubeka ukhonza nabazalwana noodade.​—Heb 10:24, 25

• Yithobele ngokukhawuleza imiyalelo esiyinikwa yintlangano kaYehova.​—Heb 13:17

• Cingisisa ngendlela uYehova awabanceda ngayo abantu bakhe.​—2Pe 2:9

• Thandaza kuYehova uze umthembe.​—Nd 112:7, 8

BUKELA IVIDIYO ETHI IZINTO EZIZA KUFUNA SIBE NESIBINDI​—ISICATSHULWA, UZE UPHENDULE LE MIBUZO:

• 

  Yintoni eye yadinga abavakalisi babonise ukuba bathobela nyhani xa ibandla labo beliza kudityaniswa namanye?

• 

  Isibindi nokuthobela zidibana njani?

• 

  Kutheni kuza kufuneka sibe nesibindi xa kufika iArmagedon?

• 

  Yintoni ekuthethwa ngayo eBhayibhile enokusinceda siqiniseke ukuba uYehova uza kusisindisa?​—2 Kro 20:1-24