Ngaba UThixo Unendawo Ahlala Kuyo?

Impendulo esuka eBhayibhileni

Ewe. UThixo unendawo ahlala kuyo—isezulwini. Khawuve ukuba zithini ezi vesi zeBhayibhile:

Xa wayethandaza, uKumkani uSolomon wathi: “Kwanga ungeva usemazulwini, kwindawo ohlala kuyo.”—1 Kumkani 8:43.

UYesu Kristu wafundisa abafundi bakhe ukuba bathandaze ‘kuBawo osemazulwini.’—Mateyu 6:9.

Emva kokuvuswa kwakhe, uYesu wangena “ezulwini ngokwalo, ukuze ngoku abonakale phambi kukaThixo ngenkqu.”—Hebhere 9:24.

Ezi vesi zenza kucace ukuba uYehova uThixo ungumntu wokwenene yaye akakho kuyo yonke indawo, kunoko uhlala ezulwini kuphela.