FAN̈AMPINY FAN̈AZAVAN̈A D
Akory ma Atao Mitariky Fampianaran̈a Baiboly amy Boky Mankafiza Fiain̈ana Tsisy Farany!
Nivavaka mare avio nan̈ano fikarohan̈a farany maro iro rahalahy aby io koa fa han̈aboaka boky Mankafiza Fiainan̈a Tsisy Farany! Baka hazahoan̈a hatsaran̈a farany maro amy boky io, areva iro raha aby avoakoran̈a man̈araka ty, koa fa mitariky fampianaran̈a Baiboly.
Alohany fianaran̈a
1. Man̈omàn̈a tsarabe. Anao koa fa man̈oman̈a, diniha ino raha ilainolo ampianarinao, ndreky raha iain̈any, avio raha inoany. Diniha koa ino hevitry mety ho sarotro aminany hahatakatra na han̈araka izy. Diniha koa, ino amy raha koran̈iny amy “Zahava” io mety han̈ampy olo ampianarinao, avio mivon̈osa hampiasa izio lera anaro mianatra.
Lera mianatra
2. Koa mety amy pianatranao, atomboha ndreky faràn̈a amy vavaka fianaran̈a.
3. Mitandrema tsao mikoran̈a raha maro loatra. Mifantoha amy raha misy an̈atiny leson ianaranaro io, avio ambilà pianatra han̈azava hevitrinany.
4. Izikoa fa manomboko fizaran̈a vaovao, vakia antony nan̈anaovan̈a fizaran̈a io, baka io mikoràn̈a vitsivitsy amy titra fianaran̈a.
5. Isaka mahavita fizaran̈a araiky, ampiasà fan̈ontanian̈a fameren̈ana fizaran̈a, han̈ampian̈a olo ampianarinao hahatsiaro iro fahamarin̈ana nianarany.
6. Ty ataova anao koa fa mampianatra leson tsiaraikiaraiky pianatranao:
a. Vakia fehintsoratra.
b. Vakia andininteny jiaby misoratra “Vakia.”
d. Koa ilain̈y, vakia koa andiniteny hafa voasoratra ao.
e. Alifasa video jiaby misoratra “alifasa” (izikoa misy aminao).
f. An̈ontania pianatranao fanontanian̈a jiaby ao.
g. Volàn̈a pianatranao hizaha sary amy fizaran̈a “Aleva Onon̈o”, avio iraha man̈azava sary izy.
h. Ampiasà efajoro “Ataova Ty”, han̈ampian̈a olo ampianarinao handroso arapan̈ahy. Ampirisiha izy han̈ano raha irahin̈y ataony ao in̈y, na raha hafa, na iro roe foeky samby ataony.
i. An̈ontania pianatranao aia amindro video na lahatsoratra amy fizaran̈a “Zahava” ao ma ten̈a tiany taminizy nan̈oman̈a fianaran̈a io?
j. Mifen̈a hankefa leson araiky isaka mianatra.
Koa fa vita fianaran̈a
7. Iritrireta fo raha momba pianatranao. Mivavaha amy Jehovah hitahy pianatranao, baka izy handroso. Angataha koa Jehovah han̈amia anao fahendrena han̈ampy anao hahay fomba han̈ampian̈a izy.