FOMBA FIAIN̈ANA KRISTIANIN̈Y
Areha Fitsipiky Jehovah Momba Fitondranten̈a
Jehovah Zan̈ahary mahay raha mahatsara ndreky maharatsy olombelon̈o. Izy, ohatra, mivolan̈a fa lelahy araiky ndreky viavy araiky tokony fivadiany, avio tsy tokony hisaraka foeky iro. (Mt 19:4-6, 9) Izy tsy mankasitraka fitondranten̈a maloto na ino zen̈y na ino. (1Ko 6:9, 10) Man̈amia toro lalan̈a momba fisikinan̈a ndreky fan̈eva koa izy, baka vahoakanany hiavaka.—De 22:5; 1Ti 2:9, 10.
Maro olo tsy mijery fitsipiky Jehovah. (Ro 1:18-32) Raha man̈araka lamody tianolo fo iro, baka io mangala tahaka fitondranten̈a tiany ankamarozanolo. Maro koa olo efa tsy manitriky raha ratsy ataony, avio mankaratsy zay olo tsy mety man̈ano karaha iro.—1Pe 4:3, 4.
Tokony tsy havozovozo atsika Vavolombelon̈o Jehovah, ke han̈araka fitsipiky Zan̈ahary momba fitondranten̈a. (Ro 12:9) Tokony haboakantsika olo ino raha ankasitrahiny, sady hahay handanjalanja lera man̈ano zen̈y. Atsika koa mila man̈araka fitsipiky aby io fo. Ohatra, atsika koa fa hifidy lamba sikinin̈y na han̈amboatra fan̈eva, tsara mieritreritry: ‘Lamba fidiko ty ma ahaizan̈a fa zaho olo man̈araka fitsipiky Jehovah, sa mira olo amy donia ty fo? Fisikinako ndreky fan̈evanaka ma man̈aboaka fa zaho olo matahotro Zan̈ahary?’ Karaha zen̈y koa, lera atsika mifidy raha hizahan̈a amy tele, tsara atsika man̈ontany: ‘Mba tiany Jehovah edy ma raha hizahako ty? Mandrisiky zaho han̈araka fitsipikinjovy ma izy ty? Tsao hitariky zaho haloto fitondranten̈a fangalan̈a diandian̈a fidiko ty? (Sl 101:3) Mety hanafitohin̈y fianakavian̈anaka na olo hafa ma izy ty?’—1Ko 10:31-33.
Ino ivolan̈ana fa tsy kidikidy fan̈arehan̈a fitsipiky Jehovah? Tsy ho ela Kristy Jesosy handravan̈a firenena aby io ndreky pan̈ano raha ratsy jiaby. (Ezk 9:4-7) Olo man̈ano sitrapony Zan̈ahary fo ho tavela eto. (1Jn 2:15-17) Irarian̈a atsika han̈araka fitsipiky Jehovah ke ho tsara fitondranten̈a fo, baka han̈amia voninahitry Zan̈ahary olo mahita zen̈y.—1Pe 2:11, 12.
Fitsipikinjovy ma arehako zaho koa fa mifidy lamba na man̈amboatra fan̈eva?
ZAHAVA VIDEO ATAOVA KAMARADINAO JEHOVAH: LELAHY ARAIKY, MAN̈ANGY ARAIKY, AVIO VALIA FAN̈ONTANIAN̈A ABY TY:
Ino ivolan̈ana fa misy jery olo man̈araka fitsipiky Jehovah?
Nan̈ino raimandreny tokony hampianatra zanakandro fitsipiky Jehovah momba fitondranten̈a rango iro mbala hely?
Ino raha mety hataony tanora na olobe baka ho hitanolo fa tsara toetry Zan̈ahary?