Asa Anao mba Tihan̈ano Demandiny Sekolin’ny Mpitory Ilay Fanjakana?

Asa anao izioty efa an̈atiny 23-65 taon̈o sady pisava lalan̈a maharitry? Salama vatan̈a tsara ma anao, avio afaka mifindra amy zay tany ilan̈a fan̈ampian̈a? Izikoa ia amalianao fan̈ontanian̈a aby io, asa anao nandiniky hameno demandiny Sekolin’ny Mpitory Ilay Fanjakana? Rango nisianizio, efa andrivony olo nan̈ano demandinizio, an̈atinizen̈y olo fivadiany, avio rahalahy ndreky ranabavy selibatera. Fa izy ndraiky, rahalahy selibatera ten̈a ilain̈y. Mivavaha amy Jehovah hampitombo fan̈irian̈anao hamparavoravo izy ndreky hangala tahaka Jesosy. (Sl 40:8; Mt 20:28; He 10:7) Avio koa, diniha akory mety hampihen̈anao asanao ndreky raha tianao tompiny, baka anao afaka hameno demandy.

Ino aby ma fanompoan̈a mety ataonolo nahazo diplomy tamy sekoly io? Sasany mety voatendry hanompo amy tany mampiasa volan̈a hafa na voatendry amy fandaharan̈a manokan̈a hitorian̈a amy tany maro olo. Fa sasany ndraiky mety ho loso piandraikitry faritry pisolo toeran̈a, na piandraikitry faritry na misionera. Anao koa fa mieritreritry raha aby mety hataonao amy fanompoan̈a Jehovah, irarian̈a anao hanan̈a toetsain̈y karaha niny paminan̈y Isaia in̈y: “Indriô zaho, iraha!”—Isa 6:8.

ZAHAVA VIDEO MISIONERA ABY IO MAZOTO MIJINJA VOKATRA, AVIO AN̈ONTANIA PAN̈ATRIKY:

• 

  Akory hifidianan̈a olo hatao misionera?

• 

  Ino asa tsara ataondro misionera aby io?

• 

  Ino aby hatsaran̈a azondro misionera aby io?